Video
Read full review
2008-11-29
6 views
遲來的食評...個多月前，阿爸阿媽結婚週年紀念，要食餐好慶祝。揀了盛八，一直都想試，d人寫到好正。匯豐信用卡優惠，要了個二人餐，加另點其他肉類。個二人餐有：韓風牛肉刺身：第一次食生牛肉，仲要加埋生蛋。雖然係高危食物，但都一於少理，食先算。口感又唔錯喎，唔會一pat野咁，牛肉仲有咬口。前菜 (野菜香芒鴨胸卷、胡麻牛舌)：個卷我無食。牛唔錯，切成幼絲，加埋青瓜絲，幾清新。北海道松葉蟹腳：有五小舊，易燒，唔易，就算個殼都無所謂。多肉，肉質鮮甜彈牙。還有專為蟹腳而設的醬汁。味道相當不錯。半殼香草牛油帶子隻帶子都幾大隻，切成五小粒。易煮熟，熟陣有好多水出。幾新鮮，質地唔會過淋，且很香牛油味。A5嚴選霜降和牛 + 鹽燒牛胸腹兩樣牛擺埋一齊，都唔知邊隻打邊隻。兩者肉質都好淋，無渣，肉味鮮。鹽蔥牛舌係薄薄的五、六片牛。唔韌又易熟，好易燒過火。鹿兒島生薑黑豚：都係切得薄薄的，方便熟？味道普通，唔特別。柚子胡椒雞腿肉：雞要燒好耐先熟，又易燒。但都熟陣，舊雞都乾乾地，唔juicy~麻麻地好食。有機蔬菜拼盤(蒜蓉牛油錫紙燒)：都要用好耐先煮得d vege 變軟身。鮮菇同茄子好味。但因為加了牛
個多月前，阿爸阿媽結婚週年紀念，要食餐好慶祝。
揀了盛八，一直都想試，d人寫到好正。
匯豐信用卡優惠，要了個二人餐，加另點其他肉類。
個二人餐有：
韓風牛肉刺身：
第一次食生牛肉，仲要加埋生蛋。
雖然係高危食物，但都一於少理，食先算。
口感又唔錯喎，唔會一pat野咁，牛肉仲有咬口。
前菜 (野菜香芒鴨胸卷、胡麻牛舌)：
個卷我無食。牛唔錯，切成幼絲，加埋青瓜絲，幾清新。
北海道松葉蟹腳：
有五小舊，易燒，唔易，就算個殼都無所謂。
多肉，肉質鮮甜彈牙。
還有專為蟹腳而設的醬汁。味道相當不錯。
半殼香草牛油帶子
隻帶子都幾大隻，切成五小粒。
易煮熟，熟陣有好多水出。
幾新鮮，質地唔會過淋，且很香牛油味。
A5嚴選霜降和牛 + 鹽燒牛胸腹
兩樣牛擺埋一齊，都唔知邊隻打邊隻。
兩者肉質都好淋，無渣，肉味鮮。
鹽蔥牛舌
係薄薄的五、六片牛。
唔韌又易熟，好易燒過火。
鹿兒島生薑黑豚：
都係切得薄薄的，方便熟？
味道普通，唔特別。
柚子胡椒雞腿肉：
雞要燒好耐先熟，又易燒。
但都熟陣，舊雞都乾乾地，唔juicy~
麻麻地好食。
有機蔬菜拼盤(蒜蓉牛油錫紙燒)：
都要用好耐先煮得d vege 變軟身。
鮮菇同茄子好味。但因為加了牛油，所以都幾油。
盛八冷稻庭烏冬：
烏冬幾彈牙；個湯清清地，好唔錯。
而且當你食完咁多燒肉，再食番啖冷烏冬，感覺無咁膩。
紅豆抹茶蒟蒻：
蒟蒻好食，不過紅豆同雪糕就幾甜。
還另點了燒汁牛肋骨肉、梅子豬肋骨同埋炒飯 (forgot the name)。
燒汁牛肋骨肉:
肉很有牛味，肉質淋滑。
而且已經醃得很入味。
但一碟成六十幾蚊都係得唔多過十塊，真係幾貴。
梅子豬肋骨:
骨多,肉少,仲要燒好耐都唔熟。
梅子味欠奉，笨。
仲要有陣豬羶味，難頂！
個炒飯好食喎，炒得幾惹味，有鑊氣，不過就咸d。
埋單$ 930，真係幾貴。
要叫好多野食先會夠飽。
同埋其實幾唔健康，一方面係燒，另一方便就係食好多肉落肚。
間唔中一次就無所謂。
我估我地都會隔好耐先再會黎過。
Post
