東大門韓國料理 (Closed)

d肉好似街市買嗰d已經醃製好用黎bbq嘅肉咁，真係完全唔係燒肉嘅應該有嘅味，好難食。第一次放題食半個鐘走，環境裝修服務態度都可以，但肉先係燒肉嘅重點，只可以話同價位有好多好過佢嘅餐廳。食完個口一陣揮之不去嘅bbq味。放題其他食物仲食左豬腳姜，泡菜，雞翼同一個類似炸饅頭嘅野。炸饅頭硬到用筷子敲佢係有聲，泡菜唔會錯得去邊，雞翼同豬腳姜不過不失，唔係難食。唔係好推薦真係想食燒肉嘅人去食，真係會好失望，就算平都唔覺得抵食。