龍鳳冰室 (Closed)

專登去灣仔睇最近全城最紅嘅「月球」，去到近睇呢個月球又真係幾靚喎睇完之後喺附近搵啲嘢食先，條街所有食肆都排晒長龍，我見呢間龍鳳冰室都幾多人排價錢都唔算貴，就入去試吓啦！入到去叫咗個肉鬆煎雞扒意粉，以呢個價錢嘅雞扒來講，我覺得佢煎得非常好食點好食法呢，我係第一次食到煎雞扒嘅皮係可以煎到脆卜卜嘅，加上肉鬆有少少甜味，雞肉唔會太干，絕對值得一試；另一個重點夠大塊，以呢個價錢有兩塊咁大塊雞扒，喺灣仔區來講算幾抵食！唯一缺點就係座位比較迫，要好小心唔好整到其他人！