Deserve Better Toast & Coffee (Closed)

對於三文治哩個食物可以係香港人不可缺少的，尤其是早餐，下午茶，種種各樣款式都有。而係灣仔嘅呢間鋪頭就做咗幾款特別嘅三文治今日我就試試這個招牌牛肉漢堡。店舖絕對可以用的迫來形容，以座位計僅坐到六個人。所以如果午飯時間來的話要有心理準備。不知道是否抽風系統出現問題，甫入店裏已聞到一大陣油煙味。我哋只係逗留這裏一陣，但難為夥計們要從這裏工作全日，真的替他們健康擔心。希望店主能夠快啲解決抽風問題吧。由於是開放式的設計,所以很容易一窺整個廚房製作過程，爐面細少大概只能每次做到兩至三個吧。多士款式都有幾個選擇，番茄，蛋，芝士，火腿和煙鴨胸等。一場黎到，當然叫招牌貨手打安格斯牛肉芝士三文治。雖然要等成15分鐘先有得食，但係見到個賣相已經知道應該是值得去等待的。多士煎得乾脆，牛肉餅起碼一寸厚。配料有椰菜絲，蜜糖芥茉醬，然後就是芝士，而最特別就係那塊方形煎蛋一口咬落去嘅感覺是痛快的，牛肉餅肉質是鮮嫩多汁，而且不是用煎的，所以表皮不會太乾。當然喜歡煎香牛肉表面的朋友就可能不喜歡。但係厚厚的多汁牛肉配合椰菜絲加上那個自家製的蜜糖芥茉醬，實在令人好難停得住口而最特別的方形蛋入邊原來還有粟米的，整個多士的口感就