餃餃餃子 (Closed)

中餐、西餐都食到厭，有時想試新野，但又驚唔好食。今日嚟到黃埔呢個日本餃子專門店晚餐。聽個名以為呢度淨係有餃子食，其實呢度除咗有各式各樣嘅餃子之外，仲有拉麵、烏冬同咖喱飯等等，好多選擇架。超多款嘅餃子真係好難選擇丫，點算好呢？店員姐姐就推介我食個有齊3-4款味道嘅餃子，真係非常貼心丫。一咬開d餃子，好香口，入面d肉汁間直無得頂，果然係餃子專門店，同平時食開啲真係有分別架。望下呢度裝修設備，好似置身於日本一樣。原來呢間係日本分店，日本係有好多好多間，唔怪得水準咁高啦。之後再叫左個烏冬、吉列豬扒咖喱飯同鰻魚飯，好味道，而且份量岩岩好。仲有呢度杯白桃乳酸梳打好好飲。