尚香 (Closed)

今日同朋友行旺角，行到咁上下，大家都覺得肚餓。就周圍揾小食。咁岩經過呢間小食店，原本見到價錢都覺得幾貴。但見到佢貼出黎既海報，話入選舌尖上的中國。咁就一於試下佢最出名既蟹黃湯包啦。首先係用飲管吸哂佢d蟹黄汁，鍾意食蟹既人，一定鍾意飲呢個湯。飲到咁上下，就可以好似食包咁夾黎食。肉質普通，但蟹黃味唔錯。而且食一個，其實已經可以填返個肚。