肉多多火鍋

慕名而來銅鑼灣新開張既台式火鍋店首先就一定要點佢既肉瀑布，貪佢打卡一流點知黎到真係好大份，3個人都食唔哂！火鍋湯底叫左藥膳同蒜香爆雞湯，湯頭食落都好濃郁，一黎到一定要飲返兩啖先再打邊爐！爆雞湯佢係即場幫你落鍋爆，再之後加湯頭，所以啲雞都零舍嫩另外叫左海鮮拼盤，款式唔算多，勝在份量大，驚你唔夠飽咁😂好欣賞佢個鹽酥生蠔，炸都好香脆，好好食，仲有炸魚皮都必點仲有好多款小食可以嗌，推薦大家上去試下，真係好抵食！