Jingle's Oyster + Grill (Closed)

6點去到未開門，等左5分鐘左右。好彩時間尚早，因為無book枱，個侍應話8點交枱都無問題。set dinner around hkd108，另有幾款跟2隻生蠔的dinner set由hkd200幾到hkd300幾，因為唔打算食蠔，又第一次試這間餐廳，叫左普通set dinner 算，set dinner 有一個炭燒肉眼扒，跟餐湯同一杯飲品。個侍應好落力sell扒餐加hkd28有杯紅酒，但星期日無咩興趣飲紅酒。如果加hkd20可以轉龍蝦湯或加沙津。另外set dinner仲有得揀煙三文魚寬麵。個肉眼扒好香bbq味，可惜肉味欠奉，肉質好韌，似西冷扒多D，可能係將貨就價啦!聽個侍應講跟生蠔那個扒餐塊扒會靚D，唔知呢!餐湯選了周打海鮮湯，有腥味，但唔甜唔咸。跟湯的麵包尚算夠熱。餐飲選了熱朱古力，完全無朱古力味，仲淡過阿華田。加Hkd28試左個朱古力心太軟，流心但朱古力味唔夠，個雲尼拿雪糕球似牛奶公司貨色。唔夠hkd300只收現金，可能我們無叫生蠔啦!D侍應服務一般。