阿久根和牛立燒店 (Closed)

朋友介紹過呢間和牛立燒，今晚黎試下，開頭以為立燒係無位坐，原來唔係既好彩。叫左個極尚和牛定食，$168 就可以食到A4 和牛，性價比高。定食跟湯，沙律，飯同前菜。個蜆肉海帶味噌湯係幾好味，飲到淡淡既鮮味。入面仲有隻蜆，鮮甜飽滿脹卜卜。餐跟有肉眼A4,西冷A4 同埋牛舌。 最鍾意肉眼A4 牛味好濃，軟腍有油香，僅次係西冷， 牛舌就好爽口。 另外仲有牛肚，呢個真係好耐無食過，燒完個面脆脆地，仲要好腍一d 都唔韌。✨阿久根和牛涮鍋：蔬菜有娃娃菜，金菇，東菇，洋蔥，大蔥，蘆筍, 豆腐，望落幾新鮮。✨幾鍾意呢個壽喜燒湯底，d 烏冬同葛絲索晒落味甜甜地又夠濃好好味。佢個烏冬好嫩滑同幼身，葛絲就勁Q 彈。✨餐跟胸腹肉，三角肋肉同肉眼A4. 最好食唔使講係肉眼，得一塊🥹三角肋肉都好食算有牛味，胸腹肉就爽口。食完其實唔係幾夠喉，不過呢度個格局其實都幾啱獨食或者兩口子黎食， 下次可以自己黎過下口癮