Video
Read full review
2016-04-25
7226 views
聽同事推介Mr Steak嘅自助餐好耐，因為選擇、質素唔差得到過啲四、五星酒店，而且，定價相宜，最近更因為15周年做緊4送1，咁就更加唔可以錯過啦。嚟到門口先知自助餐都有做主題，仲喺佐賀和牛，感覺更期待。收費周一至日都喺一樣：每位$428（5:00-7:00pm）、$548（7:30-10:00pm），另收加一服務費。就算湊唔夠4人同行，亦有啲信用卡折扣優惠。咪睇門面細細，餐廳佔地成層樓，入到去其實好大，就算好似今晚只喺閒日，都足有九乘幾滿，可見其吸引力有幾大。因為收工過嚟，所以時間尚早，之前一場完咗，見侍應清緊場，而師傅補充緊食物。好在接待嘅店員放行可以讓小弟入內影吓相，真喺好難得食自助餐卻無乜人情況下慢慢影。就先介紹吓佢哋個自助餐有啲咩食物選擇。冷盤、芝士碟、預製沙律堂座中間有張獨立食物枱，一枱擺滿多款的的骰骰嘅冷盤小食，當中不乏好嘢，又唔少得凍切腸、巴馬火腿……常見冷盤食物，真喺目不暇給，詳細就唔多講，特別嘅一陣再分享。此外，芝士碟嘅陣容亦唔弱，4款芝士搭多種配料，製預沙律更有7款之多（如燒南瓜沙律、華都夫沙律、紅菜頭沙律、德國薯仔沙律……等等），唔喺迤做嘅款式。沙律吧另一邊廂仲
嚟到門口先知自助餐都有做主題，仲喺佐賀和牛，感覺更期待。收費周一至日都喺一樣：每位$428（5:00-7:00pm）、$548（7:30-10:00pm），另收加一服務費。就算湊唔夠4人同行，亦有啲信用卡折扣優惠。
咪睇門面細細，餐廳佔地成層樓，入到去其實好大，就算好似今晚只喺閒日，都足有九乘幾滿，可見其吸引力有幾大。
因為收工過嚟，所以時間尚早，之前一場完咗，見侍應清緊場，而師傅補充緊食物。好在接待嘅店員放行可以讓小弟入內影吓相，真喺好難得食自助餐卻無乜人情況下慢慢影。就先介紹吓佢哋個自助餐有啲咩食物選擇。
冷盤、芝士碟、預製沙律堂座中間有張獨立食物枱，一枱擺滿多款的的骰骰嘅冷盤小食，當中不乏好嘢，又唔少得凍切腸、巴馬火腿……常見冷盤食物，真喺目不暇給，詳細就唔多講，特別嘅一陣再分享。此外，芝士碟嘅陣容亦唔弱，4款芝士搭多種配料，製預沙律更有7款之多（如燒南瓜沙律、華都夫沙律、紅菜頭沙律、德國薯仔沙律……等等），唔喺迤做嘅款式。
沙律吧另一邊廂仲有自助沙律吧，主要喺多款新鮮嘅沙律菜、3款醬汁（意大利汁、蕃茄油醋、千島汁）及多枝唔同味道嘅油醋；仲有，邊位一角特意設咗個做凱撒沙律嘅大鋼盆及相關配料，有興趣嘅朋友不妨搞吓！
慣性，第一道菜要食就一定喺沙律，既幫助消化，亦可以提升胃口。先嚟一碟田園沙律菜拌蕃茄油醋，再搭少少唔同款式嘅預製沙律及凍切腸、巴馬火腿……等等，有清爽，有鹹香，好好食嘅自家配前菜。
湯品果然唔喺「求其」，有花旗蔘雞燉湯及酥皮海鮮湯，前者夠晒火喉，滋補健康，入口帶點甘苦味；酥皮湯焗得金黃酥香，層酥皮鬆化薄脆，而忌廉湯滑溜唔錯。
雜綿冷盤飲完個湯暖暖身後，再試吓啲冷盤嘢，其實都有幾多選擇，但自知食量有限，精選幾款淺嚐就夠。個芝士波幾得意，原來喺忌廉芝士包住原粒提子再沾滿黑白芝麻，濃郁嘅芝士中一層清甜提子香，幾唔錯嘅配搭；另外，DIY四重芝士伴法包，「芝」味滿瀉，如果有個多士焗爐仔烘一烘仲唔正到爆！
凍海鮮雖然無生蠔，但一樣唔覺得失禮，皆因主打喺麵包蟹及波士頓龍蝦，全部一開二方便食用，仲要身後凍櫃放滿一盤又一盤海鮮，以證貨源充滿，最怕你唔嚟試。
此外，另一邊位又放滿長蟹脚、青口、凍蝦，伴有檸檬角、紅酒醋及雞尾醬，應該足夠滿足到啲海鮮迷。
小弟就一碟過盡攬以上海鮮，望見都令人醒神。講真，啲質素確喺唔錯，龍蝦一叉境起晒成件肉，點啲紅酒醋，夠豪爽呀；麵包蟹嘅肉唔多，但爆晒膏，豐厚甘腴；長蟹脚一次過拆晒啲蟹肉慢慢嘆，而其他海鮮，都喺水準不賴嘅貨式。
刺身、壽司食完幾輪嘢，喺時間抖一抖，所以，又趁空檔介紹吓其他美食，晌兩個凍海鮮檔中間就喺刺身同壽司。一櫃刺身凍，有帶子、鱆紅魚、赤貝、 象拔蚌、油甘魚及三文魚共7款，此外，旁邊更有好多壽司及卷物。小弟就無幫襯，不過，聽試過嘅朋友話，刺身嘅質素無欺場。
熱盤食完一大碟涼浸浸嘅凍海鮮，搵吓啲熱食平衡吓，跟住介紹吓熱盤有咩選擇。晌餐廳嘅最入位置，就喺各樣熱盤嘅所在地，不外乎中西東南亞菜式，除相片輔助外，文字紀錄盡量列晒所以熱盤：北京片皮鴨、豬腳薑醋、福建炒飯、卡邦尼意粉、黑椒牛肋骨、瑤柱扒西蘭花、清蒸比目魚、古法雙冬羊腩煲、泰式紅咖喱雞、馬來咖哩牛腩、清蒸活海鮮、蠔皇冬菇燴花膠、辣酒煮花螺、海蔘扣鴨掌、椒鹽大蝦，包攬嘅範圍幾闊，咩年齡層嘅人都有啱食嘅嘢。
鐵板燒但講到吸引，隔離嘅鐵板燒似乎更加吸引，法式煎鴨肝、澳洲羊架、扒大蝦、韓牛師傅不停咁燒，惹起一室香氣，唔吸引就有鬼喇！
燒肉眼、烤蔬菜再過多步，就有燒肉眼，睇佢個橫切面色澤粉嫩，又無血水滲出，燒得剛好，一大盆烤蔬菜，想要幾多都得。
最後，就熱盤、鐵板燒及燒肉眼各取部份所好，成為小弟雜肉拼盤。最欣賞喺啲羶香嘅澳洲羊架、嫩滑嘅燒肉眼、細嫩嘅比目魚、肉味濃嘅韓牛，越食越滋味，真喺欲罷不能，如果唔喺留留肚作尾段嘅甜點沖擊，真喺想食多幾件扒呀！
佐賀和牛最尾一組嘅食物櫃位，就喺供應主題嘅佐賀和牛，一片又一片嘅佐賀和牛，油脂如雪花，均勻分佈，以壽喜燒形式烹調，輕灼幾吓就食得。不愧嚟自佐賀，真喺唔喺浪得虛名，肉質嫩滑到不得了，食落滿口油香。
傳情達意心太軟依度嘅甜品選擇唔止多，仲好有質素，以及富心思，而講到最具心思就一定要數到「傳情達意心太軟」喇，點解？晚市第二輪自助餐，8:15pm開始有即製嘅心太軟出燼，心思位就喺客人可以提交祝福字句，師傅仔會晌餐碟上為你寫上，並加埋少少公仔，色彩繽紛，既可氹人開心，又可以獻上誠心嘅祝福。當然唔打算寫任何嘢，一樣可以享用，不得不提，師傅仔手字真喺寫得幾靚。
心太軟不停出爐，保證個個都新鮮熱辣，烘焗時間拿捏好，所以，烘得外殼唔厚，流心效果好突出，朱古力味香濃，唔喺得個樣，好睇又好食。
甜品吧甜品嘅陣容的確幾鼎盛，其實，一入門口左邊就喺十幾尺嘅甜品吧枱及後面一大個蛋糕櫃，而枱上擺設嘅甜品粗略一望都超過廿款，甜品迷實開心死，款式實在太多，所以唔盡細寫，有圖有真相自己睇睇吧！重點推介就一定喺最近門口位一堆嘅法式小雜餅及3.6牛乳布甸，不過，小弟唔太鍾意生人霸死地，絕少一早霸住幾件，所以，無緣試到啲法式小雜餅就由去，其實，最後亦拎到唔少好味嘅甜點。
甜點拼盤大放送3.6牛乳布甸、檸檬餅、蜜桃批、吉士千層酥、泡芙、朱古力撻、馬卡龍、法式燉蛋，就喺小弟個甜品組合，個牛乳布甸真喺好正，奶味超濃郁，質感滑溜到不得了；蜜桃批及朱古力撻都好好味，前者酥香，後者鬆脆。
Haagen Dazs雪糕甜點環節仲未完，因為仲要哈根大師雪糕，雪糕櫃就晌心太軟側，成個雪糕櫃放有12款雪糕及多款配料，另外，仲有個小雪糕櫃提供HD及Dreyer's迷你杯裝雪糕。
小弟就揀咗冧酒提子雪糕、芒果雪糕及桑莓雪葩，再伴點新鮮生果作為今餐晚飯嘅結尾，讓舌頭清新番一下。
順帶講埋，有果汁、即磨咖啡機、紅茶……飲品供應，全自助，飲幾多斟幾多。
雖然唔喺晌酒店裡食自助餐，但一樣食得大滿足，亦令小弟對Mr. Steak刮目相看，感覺好唔同，再喺單單賣扒嘅地方！
Post
