Lab Eat Bistro (豉油街) (Closed)

同大胃王佢食飯，當然要揀啲有任食㗎喇，呢間Lab Eat Bistro可以話係唔錯嘅選擇。因為我哋唔係全部都大食，所以選半自助就啱啱好。😍任食之推介：飲食方面有沙律海鮮甜品等等，咁如果話性價比高嘅就一定係海鮮啦，其實全部都幾好食但淨係影相影咗青口、翡翠螺😂。可以見到佢地其實都幾大嚿肉。其次就係醬油漬no三文魚，魚生梗係要攞多啲啦。😆肉質肥厚都算新鮮，啖啖醬油嘅鹹味啱啱好。😍主菜：愛牛之選：美國穀飼天然牛腰扒我見到隔離枱呢個菜色望落幾靚，所以都忍唔住叫一份。佢兩塊肉真係勁大勁厚，食落仲好香口，點埋醬真係食唔停口。🤤經典嘗試：黯然銷魂飯西式版本黯然銷魂飯，都幾銷魂。佢嘅叉燒係特別鮮紅，表皮比一般嘅更為脆口。加埋流心嘅煎蛋，蛋汁撈埋一齊食，簡直係正上加正。😁