素.喜.館

Open Now

Now Closed

早幾日細女入廠玩殘左兩公婆，自覺身體狀態唔理想，口氣逼人， 飲完清熱酷狀態依舊， 於是決定午餐同太太去食齋。前人食評讚好嘅黑松露芝士炸薯球晚上先至有， 中午只可以食set lunch。前菜太太揀咗餐湯我就揀咗沙律， 餐湯係紅菜頭蕃茄湯， 個樣鮮紅色好靚仔， 但係味道好怪雞， 我甚至覺得有少少飲緊中藥嘅感覺。 沙律只係普通嘅生菜， 但居然放咗幾片橙落去， 沙律汁係酸酸甜甜嘅橙汁， 又配搭得非常好味喎。主菜1號係黑松露蘑菇意粉， 黑松露香味濃郁，彌補左冇肉嘅遺憾， 加上 蘑菇嘅口感，呢個組合好味係必然嘅。 個意粉上枱時以為會乾爭爭， 點知原來店主有少量water base嘅汁收埋喺底， 又好味又唔怕肥，食到停唔到口。主菜二號係日本蟹味菇意大利粉， 其實呢個醬油汁底嘅意粉原本味道都唔錯，可惜佢上枱嘅時間係喺黑松露蘑菇意粉之後， 如果意粉都識慨嘆嘅話， 佢大概會歎一句既生瑜何生亮。