HAHA CHICKEN 하하치킨 (順發居) (Closed)

趁放假去長沙灣探朋友, 途經見到呢間韓式炸雞外賣店, 就順便買咗個外賣上朋友屋企share食。多款抵食套餐選擇, 最後揀咗自選兩款口味炸雞同埋薯條。所有炸雞都係無骨, 放心啖啖肉食。韓式無骨炸雞 – 自選兩款口味 (套餐跟一罐裝汽水)皇牌芝士: 芝士粉平均附於炸雞表面, 炸皮脆而不油, 肉質軟嫩, 整體味道甜甜地散發陣陣芝士香味。蒜香醬油: 炸皮稍為索咗醬油汁, 雖然變林咗, 但好入味, 甜甜地又有蒜香味, 香口惹味。粟米濃湯脆薯條: 薯條香脆, 每條薯條入口都食到好濃郁嘅粟米味, 食多幾條, 口中殘留味道有如飲咗一碗粟米濃湯一樣。