Burger Bar (Closed)

帶住囡囡去蘭桂芳當然冇得去酒吧，但我地帶囡囡去食Burger 。漢堡包有9款選擇，如果唔食牛，可以選擇炸魚漢堡，同雞扒漢堡。我地點了兩款，經典漢堡同雞扒漢堡。經典漢堡（$88）超厚既安格斯牛肉，配上生菜，蕃茄，炒洋蔥，招牌特製醬，麵包微微烘過，口感又香又微脆又軟熟，漢堡扒好厚好大，牛肉味濃，超JUICY，而且配埋招牌特製醬汁，非常美味。雞扒漢堡（$85）材料有煎雞扒，生菜，蕃茄，炒洋蔥，羅勒醬， 雞扒超滑，配上羅勒醬，夠特別又美味。薯角($30)&薯條($18)食漢堡包點少得薯角薯條，即叫即炸，薯角薯條炸到金黃香脆。