肉搏食堂 (Closed)

尖沙咀厚福街係著名「食街」之一。今日就試下一間開業大約一年半，個名好有趣既《肉搏食堂》🤘🏻［餐湯 - 洋蔥湯］有濃郁既洋蔥甜味，最重要洋蔥煲得夠淋。［香煎西班牙黑豚配鵝肝丼］鵝肝好厚身，入口即溶🤤，外層煎得甘香，油香濃郁，讚👍🏻黑豚肉份量好多，配上胡麻醬更美味。飯粒分明有咬口。［牡丹蝦三色刺身丼］除左牡丹蝦，仲有三文魚、帶子同三文魚籽，好豐富。牡丹蝦好大隻好鮮甜，其他刺身都好新鮮。［火炙頂級牛肉配香辣粉］好彩叫左個細嘅（200g），份量已經好多！火炙牛外層焦香，牛肉整體呈現約5成熟，肉質都算幾嫩滑，肉味濃郁。香辣粉微辣。［朱古力曲奇沙冰/ 青瓜青蘋果沙冰］前者朱古力味非常香濃，如果更多沙冰粒更好，不個個杯打卡一流😆；後者好fresh好重青蘋果味，夠哂冰涼感。