肉餅哥小炒料理 (Closed)

之前聽朋友話好食，就同老公黎試下呢間肉餅哥既肉餅飯。 未叫野食侍應已放底2碗湯；我地叫左原隻波士頓龍蝦煎肉餅，金沙蛋黃煎肉餅，迷你一口炸餃子。 個湯係青紅蘿白湯，好清甜，應該無落味精；原隻波士頓龍蝦煎肉餅，賣相好吸引，d 龍蝦肉溝埋係塊肉餅裡面，但好少龍蝦肉，係得蟹鉗可拆d 肉出黎食，肉餅煎得好香口，外脆內軟，但價錢略貴。 金沙蛋黃煎肉餅，賣相都唔差，肉餅上面舖滿咸蛋黃醬加半粒咸蛋黃，撈飯食一流，味道又唔太咸。 迷你一口炸餃子，黎到都熱辣辣，餡肉都均勻, 不過不失。