Video
Read full review
2021-11-17
103 views
有一晚，收工一刻突然有股強力嘅慾望好想食肉骨茶！！於是即刻search邊度有平靚正既餐廳！馬六喺香港都算係連鎖經營餐廳，主打馬來西亞新加坡菜。這店裝修平實光鮮， 雖然不大，但坐得尚算舒適，而且價格非常友好，性價比高。今次叫左2個套餐仲有幾樣小食，套餐包一份主菜，一款小食，一杯野飲，我地加$8轉左特飲😉肉骨茶配油飯 （$92）+ 咸蛋炸魚皮落單嘅時候完全估唔到跟餐嘅肉骨茶係咁大份，我哋仲驚唔夠食，所以加咗16蚊要多一小碗😂傻豬左tim. 呢度主打既係新加坡肉骨茶，藥材味比較淡但帶有胡椒香，辣味較重。豆卜索晒d湯好好味，排骨夠淋有肉香，最surprise係有一整舊燉到軟綿綿既蒜頭！好正！油飯都香既，但略嫌淋左小小。咸蛋炸魚皮個蛋黃醬稀左小小，但魚皮多薄脆，加返分啦！巴東牛肉配椰漿飯 （$92）+咖哩角巴東牛肉係印尼名菜，煮得非常惹味，牛肉質感有咬口， 醬汁偏微辣但好香，送飯一流。最中意佢既椰漿飯加左斑蘭去煮，所以帶有陣陣清香味，但睇得岀應該係有落到香精，不過唔緊要啦，好食就得，綠色既飯都好吸晴👀但同雞飯一樣，都係淋左小小。btw, 個溏心蛋好食。咖喱角用左酥皮去包，唔會死實實，好酥脆，咖哩
馬六喺香港都算係連鎖經營餐廳，主打馬來西亞新加坡菜。這店裝修平實光鮮， 雖然不大，但坐得尚算舒適，而且價格非常友好，性價比高。
今次叫左2個套餐仲有幾樣小食，套餐包一份主菜，一款小食，一杯野飲，我地加$8轉左特飲😉
肉骨茶配油飯 （$92）+ 咸蛋炸魚皮
落單嘅時候完全估唔到跟餐嘅肉骨茶係咁大份，我哋仲驚唔夠食，所以加咗16蚊要多一小碗😂傻豬左tim. 呢度主打既係新加坡肉骨茶，藥材味比較淡但帶有胡椒香，辣味較重。豆卜索晒d湯好好味，排骨夠淋有肉香，最surprise係有一整舊燉到軟綿綿既蒜頭！好正！油飯都香既，但略嫌淋左小小。
咸蛋炸魚皮個蛋黃醬稀左小小，但魚皮多薄脆，加返分啦！
巴東牛肉配椰漿飯 （$92）+咖哩角
巴東牛肉係印尼名菜，煮得非常惹味，牛肉質感有咬口， 醬汁偏微辣但好香，送飯一流。最中意佢既椰漿飯加左斑蘭去煮，所以帶有陣陣清香味，但睇得岀應該係有落到香精，不過唔緊要啦，好食就得，綠色既飯都好吸晴👀但同雞飯一樣，都係淋左小小。btw, 個溏心蛋好食。
咖喱角用左酥皮去包，唔會死實實，好酥脆，咖哩餡普普通通。
斑蘭多士 （$26）
多士賣相很吸引，麵包切得小巧精緻，中間仲夾左厚切牛油同班蘭咖央，咖央醬唔太杰身，質感香軟，入口不會過甜但斑蘭味唔多夠濃，幸好牛油夠凍同埋都幾香，麵包又烤得夠脆，所以都幾好食。
雞肉大蝦串（$56）
2串雞肉，2串蝦， 串燒均塗上了秘製醬再拎去烤，非常香口惹味，仲帶左近小小微辣，串燒唔會烤過龍，仲保持到鮮嫩。雖然唔錯，但如果熱d就好啦。
斑蘭糕 （$28）
一份4件，質地硬實似大菜糕，用香精來製作並非新鮮斑蘭汁，唔香又唔甜，唔好食🥴🥴👎
餐茶+8轉椰子斑蘭冰
加左斑蘭變左綠色，但幾香椰奶味既，我都幾中意。
Post
