肉骨皇 (Closed)

琴晚睇完某Youtuber新加坡段Vlog，跟住就好想食肉骨茶。。。醒起我幾年前喺肉骨皇食過嘅肉骨茶印象中味道都OK，所以諗住再去哩度食多次，不過最重要係我發現我今日去天后銅鑼灣道做嘢，間嘢只係行10分鐘路程就到，咁梗係今日順便食埋啦！入到去大部份人都係食肉骨茶或者海南雞飯，我Menu都唔駛睇，當然係食肉骨茶啦！由於佢哋唔夠爐，所以就咁一煲上，肉骨茶好濃藥材味，而且湯都算湯，有當歸味，但杞子味最重，所以味道偏甜，肉骨份量都幾多，唔似其他地方得一兩骨，而且配料有油烤鬼同醬油膏加蒜蓉，用嚟點肉骨食，甜甜哋，味道唔錯。而哩個餐可以配白飯，油飯，或米粉，我就配白飯。味道同我幾年前差唔多，分別不大，仍然幾好味。