炑八韓烤 (Closed)

媽媽韓燒癮起，做細嘅一定要陪吓皇后娘娘，大多數嘅韓燒舖都係任食，係就係抵啲，但肉嘅質素就一分錢一分錢。所以我地今次去試吓食啲單點嘅韓燒，想食靚啲嘅肉。前菜分別有三小碟加一碗麻醬沙津，泡菜好啱我胃口呀，酸酸地帶啲甜味，辣味唔重仲好爽脆。而其他就普通無特別，最緊要係前菜食曬有得refill而爐隔離會有烤泡菜蛋同粟米芝士，粟米芝士可以就咁食，但我覺得包肉食仲好味可以包肉食嘅生菜，減低油膩感，上面嘅青瓜同蘿蔔應該可以沾燒肉醬一齊食。我地叫咗個set係食八爪魚、蠔+肉，其實一望就覺得肉嘅紋路好靚，一定好多油花爆係口入面。佢嘅牛肉牛味好重，亦都好軟嫩，唔稱得上入口即溶，但係每咬一吓都好有牛嘅油脂香，我覺得唔洗包菜食，咁樣可以食到肉嘅原味。豬肉類正正常常，都好好食。蠔、蝦同八爪魚 蠔同八爪魚就麻麻地，隻蝦反而好食喎，雖然佢唔係特別鮮甜，但係肉質好彈牙完全唔霉。套餐仲有個八爪魚湯，我無飲到依到韓燒嘅肉類質素的確高質，我個人嚟講只係覺得套餐分量少咗啲。