Video
Read full review
2014-12-02
642 views
係我既飲食約食飯既餐廳LIST當中, 頭三位必定包括有泰國食物餐廳既, 因為我有時都喜歡食香口同重香料既食物, 所以我覺得泰國食物係不錯既選擇~上星期又有飯局, 今次仲係我發板添~ 其實都有食過唔同既餐廳, 但係呢間餐廳俾我既印象好深刻, 因為佢既食物食都好大碟, 加埋的朋友個個都好"刷得", 所以大家都聽我意見, 放心咁交俾我啦~今次我選址了為於灣仔既新泰東南亞餐廳, 其實佢於個多月前才搬到現時的地址, 所以之前有去食過野既朋友留意已經搬左新地址了~言歸正轉, 去到餐廳朋友已經差不多到曬了, 快的ORDER食物先~ 好彩朋友都可以食少少辣, 所以我地都可以放心叫.第一道食物就係冬蔭公, 令大家流曬口水了~ 個人唔太可以食辣, 所以開頭都有的擔心唔OK, 點知一係唔飲, 一係真係打從心底裡講: 太好味啦, 香料唔重仲要辣度適中, 非常開胃, 仲有, 大家睇吓隻蝦真係好大隻, 隻蝦既蝦膏仲有濃濃既冬蔭公味, 酸辣適中!飲左碗冬蔭公開左個胃, 再黎就係蜜糖燒肋骨, 坦白講呢樣食物既靈魂係個醬料之外, 其實都燒得好入味; 再黎就係我覺得幾特別既一樣食物 - 蛹蝦! 咁大舊既? 外型咁得意既?
上星期又有飯局, 今次仲係我發板添~ 其實都有食過唔同既餐廳, 但係呢間餐廳俾我既印象好深刻, 因為佢既食物食都好大碟, 加埋的朋友個個都好"刷得", 所以大家都聽我意見, 放心咁交俾我啦~
今次我選址了為於灣仔既新泰東南亞餐廳, 其實佢於個多月前才搬到現時的地址, 所以之前有去食過野既朋友留意已經搬左新地址了~
言歸正轉, 去到餐廳朋友已經差不多到曬了, 快的ORDER食物先~ 好彩朋友都可以食少少辣, 所以我地都可以放心叫.
第一道食物就係冬蔭公, 令大家流曬口水了~ 個人唔太可以食辣, 所以開頭都有的擔心唔OK, 點知一係唔飲, 一係真係打從心底裡講: 太好味啦, 香料唔重仲要辣度適中, 非常開胃, 仲有, 大家睇吓隻蝦真係好大隻, 隻蝦既蝦膏仲有濃濃既冬蔭公味, 酸辣適中!
飲左碗冬蔭公開左個胃, 再黎就係蜜糖燒肋骨, 坦白講呢樣食物既靈魂係個醬料之外, 其實都燒得好入味; 再黎就係我覺得幾特別既一樣食物 - 蛹蝦! 咁大舊既? 外型咁得意既? 點食架? 唔理啦! 一口食落去, 內裡原來有蝦, 配合埋酸辣醬, 加埋香口既質地, 好有趣既搭配呀!
再黎就係我好LIKE既燒牛仔骨, 入口好鬆化好JUICY, 真係可以食完一舊再食多舊呀!
咦! 咁生猛既係咩黎? 好似有腳咁......原來係香芒軟殼蟹米紙卷黎, 呢款食物失色左少少因為的軟殼蟹唔太鬆化有的"林", 所以呢款米紙卷同平時個的唔太驚喜, 不過呢款食物既賣相(好似有四仔腳仔咁生猛~) 就較特別既.
之後就係我等左成晚既 - 泰式生蝦啦! 蝦肉好彈牙, 仲好鬼大隻添~ 而個醬汁酸酸辣辣, 同的蝦好PERFECT MATCH! 相比起冬蔭公, 佢既辣度係比較重的, 而個醬汁好野味好醒胃, 令我食指大動添!
食左濃味食物, 清清地食返個蒜蓉炒貴妃苗先, 好好味呀~ 唔知我奶奶可唔可以試吓整呢~
再黎就係紅毛丹肥牛卷; 平時食紅毛丹係飲紅毛丹冰個時飲同食既, 但係同埋肥牛卷既呢個食法幾得意, 個感覺好似食菠蘿炒牛肉既感覺, 而佢上碟既時侯顏色好豐富, 不過我覺得個汁幾多, 如果可以減少的就更加好了.
跟住呢個咖喱紅星斑真係唔係講笑, 個咖喱汁真係好濃, 加埋個印度酥餅.....嘩! 停唔到口呀! 點解個酥餅可以咁鬆化架? 同個咖喱汁夾到冇人有........而個紅星斑好方便呀! 因為佢已經切好一舊舊, 所以食個時好方便, 一口紅星斑, 一口酥餅, 真係食得開心, 食得滿足呀!
坦白講已經好飽好飽, 但係見到呢個香芋焗飯真係不能抗拒, 食少少囉~ 個汁又係好好好味~ 而且的芋頭好林, 好似食緊薯仔一樣~ 而由於肚既空間有不足, 所以佢比我打包了返屋企, 第2日食都仲好野味架!
而係每一餐飯都要食甜品是常識吧~ 所以又點少得呢個泰式甜品拼盤呢! 滿足曬女孩子鍾意試唔同款式的願望呀~
呀, 忘記左講, 我地叫既飲品都好好味, 個椰青又大又甜又多肉, 而我飲既青檸冰係有原個青檸係內裡架! 真材實料呢!
今餐好滿足呀! 食埋今餐要同肚皮做TREATMENT啦~Post
