Video
Read full review
2021-10-08
244 views
已經好一段時間冇同先生出嚟撐枱腳，今日難得趁住長假期陪先生嚟食佢至愛嘅燒肉，揀咗久違嘅炑八，自從搬新鋪之後都冇食過，荃新天地二期嘅店面更大更舒服，而且對我哋嚟講亦更就腳。餐廳嘅裝潢仍然係一貫嘅簡潔，恍如置身韓國，座位之間嘅距離亦足夠，感覺舒適。食物選擇花多眼亂，我通常都偏向揀套餐，貪佢價錢更實惠，又食到時令嘅食材，今期做緊推介嘅套餐用釜山海鮮做主題，對於咁耐冇得去旅行嘅我哋嚟講更加吸引，我哋揀咗價錢較平嘅海之物套餐，另外叫多半隻豬手，份量已經相當足夠，差啲食唔晒。點餐後侍應為我哋送上前菜、爐邊蛋同粟米芝士，前菜清新開胃，份量亦足夠，我哋都冇再encore。韓國豬手半隻份量已經非常多，豬手肥瘦適中，爽口彈牙，除咗就咁食仲可以用生菜包住豬手、青瓜同青辣椒嚟食，減低膩滯感。八爪魚係釜山直送，大大隻，辣醬醃得入味，但又唔會掩蓋八爪魚嘅鮮甜味，入口啖啖肉，彈牙多汁！鰻魚大大件而且好厚肉，燒到外皮香脆，非常香口，極度吸引！醬油五花肉肥瘦適中，醃料入味但又唔會過鹹，最適合用生菜包住食，口感同味道都更豐富；梨汁雞肉係最喜出望外嘅一款食材，平平無奇嘅雞肉往往喺燒肉嘅時候都會被忽略，通常都係留返最後先食，
已經好一段時間冇同先生出嚟撐枱腳，今日難得趁住長假期陪先生嚟食佢至愛嘅燒肉，揀咗久違嘅炑八，自從搬新鋪之後都冇食過，荃新天地二期嘅店面更大更舒服，而且對我哋嚟講亦更就腳。
餐廳嘅裝潢仍然係一貫嘅簡潔，恍如置身韓國，座位之間嘅距離亦足夠，感覺舒適。
食物選擇花多眼亂，我通常都偏向揀套餐，貪佢價錢更實惠，又食到時令嘅食材，今期做緊推介嘅套餐用釜山海鮮做主題，對於咁耐冇得去旅行嘅我哋嚟講更加吸引，我哋揀咗價錢較平嘅海之物套餐，另外叫多半隻豬手，份量已經相當足夠，差啲食唔晒。
點餐後侍應為我哋送上前菜、爐邊蛋同粟米芝士，前菜清新開胃，份量亦足夠，我哋都冇再encore。
傳統韓國豬手(半隻)
$115
8 views
0 likes
0 comments
韓國豬手半隻份量已經非常多，豬手肥瘦適中，爽口彈牙，除咗就咁食仲可以用生菜包住豬手、青瓜同青辣椒嚟食，減低膩滯感。
無法抗拒釜山海之物套餐
$498
10 views
0 likes
0 comments
八爪魚係釜山直送，大大隻，辣醬醃得入味，但又唔會掩蓋八爪魚嘅鮮甜味，入口啖啖肉，彈牙多汁！
無法抗拒釜山海之物套餐
$498
19 views
0 likes
0 comments
鰻魚大大件而且好厚肉，燒到外皮香脆，非常香口，極度吸引！
無法抗拒釜山海之物套餐
$498
22 views
0 likes
0 comments
醬油五花肉肥瘦適中，醃料入味但又唔會過鹹，最適合用生菜包住食，口感同味道都更豐富；梨汁雞肉係最喜出望外嘅一款食材，平平無奇嘅雞肉往往喺燒肉嘅時候都會被忽略，通常都係留返最後先食，本住唔好浪費食材嘅心態燒埋佢，估唔到好有驚喜，用梨汁醃過嘅雞肉，竟然出奇地鮮嫩！非常推薦！
無法抗拒釜山海之物套餐
$498
23 views
0 likes
0 comments
豬皮亦係好推介嘅一樣食材！先生怕肥本來唔想食，後來一試難忘，入口近乎即溶，而且一啲肥膩感都冇，令人讚不絕口！
無法抗拒釜山海之物套餐
$498
9 views
0 likes
0 comments
霜降牛小排雪花均勻，淨係睇賣相已經好吸引，入口更加係無可挑剔，牛味重之餘口感軟嫩，唯一美中不足當然係份量較少，絕對係想再encore！
前: 青肉蜜瓜沙冰 後: 青肉蜜瓜梳打
$48
8 views
0 likes
0 comments
炑八嘅燒肉從來都冇令我哋失望過，食材新鮮，配搭用心，套餐份量合適而且價錢合理，絕對值得回頭！
Post
