肚餓了串燒烤焗專門店 (Closed)

一直都想去呢間食下串燒，今次終於同班朋友夾到時間一齊去食。原來呢到係係大廈入面，好似有啲神秘感咁。入到去，地方唔係好大。大部份係高枱，都有啲食串燒同傾計飲酒既feel，牆壁上仲掛住左好多酒。睇下個Menu幾乎全部都係串燒，難怪個名都叫做肚餓了串燒，唔通食完真係會肚餓感「全消」哈哈首先，係珍寶帆立貝。每個帆立貝都幾乎有一個$5銀咁大，燒到半生熟，味道很鮮甜。四式燒蠔，分別係黑松露醬、芝士金黃醬、蒜蓉同芝士。每款都各有特色，不過我比較鍾意食黑松露醬，呢個有好香嘅黑松露味同蘑菇香。呢個燒雞泡魚干好惹味，味道鹹鹹地，煙煙韌韌，啱來做餸酒嘅小菜芝士燒大蝦，呢個大蝦好長，幾乎有一把間尺咁長。芝士味好濃，好惹味，蝦肉真係好爽口同鮮甜。蜜糖燒雞翼，呢個雞翼皮嘅面頭充滿些蜜糖味， 好似自己去BBQ燒嘢食咁， 不過入面肉味就冇乜味啦。秘製牛舌飯，每片牛舌都切得好厚身，醬汁好惹味，加埋芝士落去焗，更加開胃！最後，叫咗個四式燒帶子，呢個我就比較鍾意食芝士黃金醬汁，佢係芝士醬加埋少少沙律醬再加埋粟米同蟹柳同帶子一齊去焗，味道酸酸甜甜好開胃！