陳漢記 (Closed)

經開大埔，見到好似好出名既陳漢記，所以就想去試下。10點4x分到達，但店員堅持未夠鐘，未能入內，一兩分鐘後，零星熟客仔可以入去，但生面口的本人卻仍未被允許入內，令人無奈，真是大牌呀。在門口見到墨魚丸大大粒咁，所以叫左個墨魚丸豬肉丸麵。墨魚丸真係好足料好彈牙，麵就普普通通，豬肉丸似乎都係平時食開的差不多，吃不出大分別。豬潤腸同魚片腸腸粉皮非常薄，點埋醬油更是出色。豬潤足料、爽口，魚片，不是類似魚蛋個種魚片，是真的一片片的魚肉，非常新穎吧，本人也是第一次試，跟腸粉很夾，魚肉的滑和腸粉的滑相映成趣，令人難忘。總結：粉麵無甚特別，腸粉作為本店招牌菜，卻是對得起這店的名氣。倒是服務質素實在不敢恭維。