長發海鮮酒家 (Closed)

今晚大概8點幾，我同屋企人連親戚到酒樓食飯，一共叫左八個餸，其中一個係德國黑椒豬手煲，菜送到嚟個煲明顯唔熱，個肥仔傳菜員拎起大聲咁同個經理講：「唔熱喎！」「我徒手都拎得起個砂煲，你話熱唔熱呀！」但個經理就話：「都熱㗎！」重叫我表哥摸下個煲，但實質上只可以叫暖，完全唔似啱啱煲完拎出嚟，真心有啲嬲嬲地，之後見個肥仔傳菜員比啲經理叫佢唔好咁多事。唔知佢第二日去重見唔見到佢，為顧客著想嘅好員工真心抵讚，但啲經理就嫌麻煩，服務態度十分差勁。Ps 真心希望個肥仔傳菜員唔好被問責。