肥仔海南雞專門店 (開源道) (Closed)

今日放工經過觀塘巧明街嘅《肥仔》海南鷄專門店，便順道外賣一個海南雞飯回家試試。小店只做外賣，提供數款飯食，當中包括海南鷄、泰式元蹄及咖哩牛腩飯等，另外還有一些泰式小食可供選擇。海南雞飯(HK$42)，份量都好足，鷄件數量唔少，而且每件都可以講得上皮薄肉滑，雞味足，配埋薑蓉同泰式醬汁同食，非常滋味。呢度用嘅係泰式油飯，粒粒分明 ; 隨餐奉上嘅例湯，清清甜甜，味道唔錯，加埋冇落味精，飲完唔會口乾。HK$42一個海南雞飯唔算貴，而且水準有番咁上下，經濟實惠，認真抵食。