人人和平小飯店 (Renamed) View

喺北角如果我想食燒味，除非果日想配撈麵食啦，如果唔係我都會食人人和平。人人和平除左有私房菜外，燒味都十分出名。今日lunch time，我就選擇左食佢既肥叉燒腩飯。首先一定要讚佢既肥叉，真係燒得十分之靚，雖然叫佢做肥叉，但佢唔係滿口肥肉果種，入口嫩滑有層次，而且充滿肉汁，並唔係乾柴既燒味。外層亦燒得啱啱好，唔會太濃，蜂蜜亦令色澤十分之靚同甜甜的😍。燒腩燒得皮脆肉嫩，鬆化、軟腍無渣，肥瘦比例啱啱好，脆卜卜，調味亦相當出色。配埋一碗足料既熱湯同飲品，$69蚊稱得上抵食，呢度除左一般咖啡茶，亦可以選擇汽水或樽裝汽水，選擇都算多。