潮福蒸氣石鍋 (Closed)

肥妹今天心情唔多好，所以全日都搜羅美食來宣泄，今晚繼續同佬友仔S來到潮福蒸氣石鍋嚟撐枱腳食海鮮。現場見到嘅海鮮真係新鮮又生猛吖，我哋點咗大紅蟹、瑤柱鮮淮山粥、大連鮑魚4隻、蟶子皇4隻、同埋飯后甜品蒸馬拉糕。食海鮮最主要都係追求一個鮮字，我哋覺得清蒸最可以體現到海鮮係咪新鮮咯，先蒸咗隻大紅蟹，拆肉之后可以睇到，肉質鮮嫩，咬落好爽身鮮甜。食完都仲未夠喉，好在食緊蟹果陣我哋又馬上蒸咗大邊鮑，仲可以一邊食住瑤柱鮮淮山粥一邊等佢慢慢蒸好。講到lee個瑤柱鮮淮山粥，味道都OK咖，大大粒嘅瑤柱煲夠火喉，鮮味入曬係粥底里面，再加上新鮮嘅淮山，一碗溫補營養嘅海鮮粥就誕生喇。再講翻個大連鮑，食入口爽身彈牙，蘸下醬汁、姜汁已經鮮味十足了，唔需太多調味料，但係蒸蟶子皇就要有粉絲同蒜蓉搭配先最美味，如果唔係就會好生泥腥味。最后一道甜品馬拉糕，蒸好之后好香甜軟熟，今晚lee餐肥妹食得好滿足吖！