Video
Read full review
2016-11-20
4491 views
今日係親愛既肥媽子生日 梗係要叫埋一班表哥表姐姨媽舅母去食飯啦 同長輩食飯唔駛諗 一定係食中菜 為左配合埋年輕一輩既口味 最好就係有埋海鮮食 所以就黎番呢間成日都同屋企人食既金山海鮮酒家啦 位置係佐敦莊士敦廣場 成橦都係餐廳 遇上星期六日特別多人等lift 等lift都要等5-10分鐘 好彩一早訂左位 上到去唔駛再等就有位坐低啦 呢度其實經常都坐滿人 星期五六日最好訂定位先黎 呢度環境熱鬧嘈吵 哈哈 最適合一家大細嘈嘈吵吵係度食飯 周圍既人都笑得好開心好熱鬧話晒都叫做生日呀 所以就叫左一圍計既晚飯啦 嘻嘻 入面既菜式一啲都唔差架 首先 黎個烏雞螺頭蟲草花湯 個'堆'湯料好足料 好多螺頭 但唔可以食太多 會頂胃 同埋後面仲有好野食其實呢道菜原來應該係翅黎既 但係老人家話鍾意飲呢個湯 無理由唔聽佢地話架麻😂第二道菜就係全家大中細都最期待既😆 龍蝦米粉底👏🏼 點解唔係伊麵底呢識食一定係轉米粉底 米粉煎到微焦 好似飯焦咁 外面脆脆地再點埋d龍蝦汁 我個人認為呢道菜係呢度必食既 龍蝦肉新鮮 啖啖肉 爽口唔會梅 每人都至少分到一至兩舊龍蝦肉 可見份量都唔少跟住上既係炸蟹鉗同鮮帶子小炒皇蟹鉗正常 不
位置係佐敦莊士敦廣場 成橦都係餐廳 遇上星期六日特別多人等lift 等lift都要等5-10分鐘 好彩一早訂左位 上到去唔駛再等就有位坐低啦 呢度其實經常都坐滿人 星期五六日最好訂定位先黎 呢度環境熱鬧嘈吵 哈哈 最適合一家大細嘈嘈吵吵係度食飯 周圍既人都笑得好開心好熱鬧
話晒都叫做生日呀 所以就叫左一圍計既晚飯啦 嘻嘻 入面既菜式一啲都唔差架 首先 黎個烏雞螺頭蟲草花湯 個'堆'湯料好足料 好多螺頭 但唔可以食太多 會頂胃 同埋後面仲有好野食其實呢道菜原來應該係翅黎既 但係老人家話鍾意飲呢個湯 無理由唔聽佢地話架麻😂
第二道菜就係全家大中細都最期待既😆 龍蝦米粉底👏🏼 點解唔係伊麵底呢識食一定係轉米粉底 米粉煎到微焦 好似飯焦咁 外面脆脆地再點埋d龍蝦汁 我個人認為呢道菜係呢度必食既 龍蝦肉新鮮 啖啖肉 爽口唔會梅 每人都至少分到一至兩舊龍蝦肉 可見份量都唔少
跟住上既係炸蟹鉗同鮮帶子小炒皇蟹鉗正常 不過不失 都食到蟹肉既 唔會話好似有d勁粉咁 鮮帶子小炒皇 估唔到帶子份量都幾多 雖然係薄切 但係都幾鮮甜既 d蓮藕片好爽脆呀
再黎又係我好期待既豉椒蟶子皇好正呀 平時食海鮮最鍾意就係食蟶子皇 同埋一定要豉椒炒😂好大隻好鮮甜呀 大隻得黎唔會鞋口或者好難咬 好正呀好正呀 d老人家話佢地消化唔到 我唯有幫幫手食多幾隻啦哈哈哈😋
繼續黎 燴鮑魚鵝掌 鮑魚一睇就知有番咁上下份量啦係咪 雖然我真係唔識分個d咩幾多頭個d😂 汁好濃 但係都食到小小鮮甜味既 唔會好'un' 都易咬既 鵝掌就一般啦 唔係話好入味個d
黎到呢刻已經有點飽 但係點可以缺少蒸石斑 呢道菜好講求師傅拿捏火喉同時間 有時蒸過火d魚肉就會好鞋 有時拎出黎近骨個度有血水再攞番入去蒸就已經過左火 魚肉又會變鞋口 好彩呢條蒸魚蒸得剛剛好 魚肉好滑呀
差唔多到尾聲 梗係要黎番隻炸子雞 有d估佢唔到喎 平時去飲通常去到呢味餸都已經係凍暖暖地呢碟唔係wor竟然 係熱辣辣 d皮仲好脆架 值得讚!
炒飯同伊麵呢d尾聲野梗係唔少得啦 但係其實大家都飽到7788 無咩位食得落啦哈哈
話明做生日 點少得壽包同蛋糕! 其實個人比較喜歡食無蛋黃既壽包 比較無咁滯蛋糕係自己係美心買既 印象中好似無另收切餅費既 不過要自己切 哈哈不過放心 佢地會幫你清台同換碟俾你既
仲有蛋散送架 好味道!
總括黎講呢餐全家都食得好滿足 雖然呢餐都唔平 但係最緊要生日既媽咪開心就得啦嘻嘻
Post
