Video
Read full review
2023-02-14
98 views
位於銅鑼灣謝斐道嘅船皇，喺泰國當地已有逾50間分店，乃過江龍船麵品牌。泰式風格擺件裝潢，空間氤氳異國氣色。熱愛東南亞酸辣風味嘅我，不時都會同男友到店內一人嘆番一碗船麵、串燒拼盤同紅豆冰。適逢餐廳推出期間限定嘅泰式串燒放題，我地梗係冇放過啦﹗而家只要嗌碗船麵，加$48就可以任食16款串燒60分鐘。若加$68升級嘅話，串燒更多達廿幾款包你食到抱住個肚走﹗.順帶一提，當日侍應嘅服務態度超好、耐心有禮，值得表揚，希望店長睇到之後會嘉許佢地三位啦﹗.🍜船皇撈麵（$58） 🟡🟡🟡🟡🟡(5/5)嚟款可選撈麵或湯麵，我就揀左前者。麵底有四種選擇，分別係金邊粉、米粉、河粉同蛋麵。辣度都有得揀，所以唔食得辣嘅朋友都唔洗擔心。嗜辣嘅我就揀左要大辣配金邊粉。由於我係辣王，所以自己再額外加左枱上所提供嘅四勺辣粉同兩勺檸汁。我最愛嚟款係因為可以一次過食哂豬、牛同雞，包括惹味鬆化牛腩、牛肉片、牛肉丸、雞絲、雞翼、豬肉、豬肉丸同豬膶，啱哂樣樣都想食啲嘅我，嘻嘻。.🥩船皇極黑和牛（$88） 🟡🟡🟡🟡🟡(5/5)男朋友揀左配米粉少辣，由於半生熟嘅和牛片實在太吸引，所以我忍唔住去夾左塊嚟食。超掛湯嘅米粉，配上餐廳每日新鮮熬
.
順帶一提，當日侍應嘅服務態度超好、耐心有禮，值得表揚，希望店長睇到之後會嘉許佢地三位啦﹗
.
🍜船皇撈麵（$58）
[推介程度] 🟡🟡🟡🟡🟡(5/5)
嚟款可選撈麵或湯麵，我就揀左前者。麵底有四種選擇，分別係金邊粉、米粉、河粉同蛋麵。辣度都有得揀，所以唔食得辣嘅朋友都唔洗擔心。嗜辣嘅我就揀左要大辣配金邊粉。由於我係辣王，所以自己再額外加左枱上所提供嘅四勺辣粉同兩勺檸汁。我最愛嚟款係因為可以一次過食哂豬、牛同雞，包括惹味鬆化牛腩、牛肉片、牛肉丸、雞絲、雞翼、豬肉、豬肉丸同豬膶，啱哂樣樣都想食啲嘅我，嘻嘻。
.
🥩船皇極黑和牛（$88）
[推介程度] 🟡🟡🟡🟡🟡(5/5)
男朋友揀左配米粉少辣，由於半生熟嘅和牛片實在太吸引，所以我忍唔住去夾左塊嚟食。超掛湯嘅米粉，配上餐廳每日新鮮熬製8個鐘嘅湯底，啖啖都係享受，無論係條脷定個胃都大嗌「我好幸福啊﹗」。兩碗麵食均配上由泰國空運到港嘅炸豬皮，甘香卜卜脆，口感秒間昇華﹗
.
🥬秘醬通菜（$14）
[推介程度]🟡🟡🟡🟡🟡 (5/5)
幼嫰冇渣嘅通菜配上餐廳嘅秘製醬料，惹味非常﹗秘醬同樣都有辣度可以揀，我地就揀左少辣。
.
🍢升級串燒（$68）
[推介程度] 🟡🟡🟡🟡🟡(5/5)
我地揀左升級串燒放題，有牛柳粒、牛舌、豬大腸、魷魚鬚、豬頸肉、雞軟骨、雞腎、各種丸類同蔬菜等。當中每人限定一串嘅西冷，汁水飽滿且肉味濃，大大塊食得夠爽﹗我最開心係有鮮菠蘿串燒，酸甜開胃，食完之後可以再戰多幾串肉啊﹗
.
🍧泰式紅豆冰（$21）
[推介程度]🟡🟡🟡🟡⚪️ (4/5)
佢除左係一杯飲品，更係一碗清涼解饞嘅甜品，嚟點係我同男友每次去都必嗌嘅原因。紅豆份量多、奶味濃郁、冰又夠碎，食完野整番碗，為成餐飯畫上完美嘅句號。
/
店舖名稱 Restaurant Name：
船皇
Tiew Ruea Tor Charm
.
店舖地址 Restaurant Address：
銅鑼灣謝斐道526號地舖（港鐵銅鑼灣站 D4 出口，步行約2分鐘）
G/F, 526 Jaffe Road, Causeway Bay (2-min walk from Exit D4, Causeway Bay MTR Station)
.
營業時間 Opening Hours：
⊿星期一至日 Mon to Sun 12:00 – 22:00
船皇撈麵
$58
124 views
0 likes
0 comments
船皇極黑和牛
$88
22 views
0 likes
0 comments
秘醬通菜
$14
11 views
0 likes
0 comments
升級串燒放題
$68
24 views
0 likes
0 comments
Post
