牛禪燒肉日本料理 (Closed)

早幾日同家人一齊慶祝爸爸生日，佢好鍾意食燒肉，由其係日式燒肉，所以帶左佢去依間燒肉店食和牛燒肉，佢一知道有和牛食，開心到不得了，當然我一早訂左位，唔洗怕到餐廳要等位先食個三點前菜過下口癮點左兩款沙律，分別係蟹籽沙律同茄子沙律，清新口感好開胃我同家姐至愛既燒一口日本蕃薯，細細粒夠哂甜又軟淋，超正既前菜小食依個七味魚翅燒得好香，乾得黎帶煙韌口感，食落幾似魷魚絲，唔錯由於太肚餓，點左每人一件北海道海膽壽司，海膽橙黃色，食落非常鮮甜又creamy，口感好豐富，咀嚼個陣整個口腔都充滿香甜海膽味，超正我地咁多人，索性叫個五品刺身衝擊下味蕾先切片磯煮鮑魚非常爽韌，鮮味十足店員話最近赤鯥魚當造，所以一早提前預訂左一條，果然肥美鮮嫩，外皮經輕燒過，食既時候有陣燒香左既味道，真係好好食，第一次食咁正既魚，係外面食普通燒肉店相信好難會有得叫黎食到，物超所值啊另外仲有油份極高既肥美三文魚腩、深海池魚同刺身帶子都讚不絕口，重點全部都新鮮無雪味，係非一般既食材質素今晚主角極上和牛盛宴，分左九個部位咁食，由淡味至濃味咁輪住食由無咁油食到最高油份既部位，好快就熟，牛味濃郁，加配少少鹽同配飯食真係一流另外叫左幾款蔬菜燒