定食 Doraya (厚福街)

Open Now

Now Closed

聽到朋友介紹，早排諗住weekend夜晚去呢間試，但輪候人數太多，之後搵個平日下午茶時間去，唔使等太耐，終於可以試到！鍾意食日本野，鍾意食刺身，比較講究食材、刺身新鮮度、口感既朋友，一定唔可以錯過呢間。大概下午三點時間，等左大概十分鐘，我同朋友兩個人就可以埋位，侍應即刻講比我地聽，埋邊有沙律吧任夾任食，我地食完就開始正餐如下：特選藍鰭吞拿魚丼定食 （$148）厚切既藍鰭吞拿魚，配合適量既油脂分佈，一放落口，啖啖魚既感覺，好鮮味，油甘係口中盤旋，感覺太正！藍鰭吞拿魚中腩&魚腩蓉丼定食 （$178）一次過滿足兩種口感，一啖中腩既肥美，一啖腩蓉既滑嫩，都係值得一試！定食包埋一個雪米糍，麵豉湯，仲有一碗蒸蛋，蒸蛋比較特別，係幾滑，入口即溶的。員工服務唔錯，但如果講到價錢方面，百幾蚊一個定食唔算平，而因爲香港比較少見呢個價位有咁靚料既吞拿魚，所以暫時都係推介既最後，建議一下，最好唔好係大時大節或週末夜晚黎食，如果您係唔想等太耐位的話。