Video
Read full review
2024-10-26
151 views
今日收工去左買外賣返屋企食，見到呢間平時晏晝都幾多人排隊嘅魚生飯，夜晚畢竟少人一點，所以就試下幫襯。極上粒粒魚生飯🐠🐟🐡打開盒好驚喜，魚生極多，都數唔到有幾多粒，而且粒粒都好爽彈新鮮，有魚油香。大家都知粒粒魚生通常都係刺身切完嘅邊邊角切，雖然係咁，佢地嘅魚生依然好食，呢個好抵讚，所以本身係畀老公食嘅特選丼，我拎左嚟食😝丼造特選丼🎏本身係買畀老公食（因為睇相好靚又多唔同嘅刺身，諗住做個好老婆嘛😏）食落果然無令我失望😝除左赤身因為係赤身而唔肥美外，無論油甘魚、三文魚腩都係好重魚油香🍣。另外想讚下個墨魚，因為佢包左青瓜，墨魚爽🦑、青瓜脆🥒，咁就有兩種唔同嘅口感，呢個好有心思。想讚埋佢地兩個飯都有嘅海膽都係好一流，一d都唔腥，好鮮甜，推介！最後想讚埋個魚湯🥣，好少見舖頭有得飲（通常都係味噌湯），所以我都加錢試下，竟然好有水準👍🏻，奶白色又唔腥🥛，調味適中。我幾欣賞佢地用哂成條魚去做料理，推介大家都加錢試下個湯！地址：上環禧利街27號富輝商業中心地下D號舖@don.jo.rice@chillchill_aloye#魚生飯#魚湯#上環美食
極上粒粒魚生飯🐠🐟🐡
打開盒好驚喜，魚生極多，都數唔到有幾多粒，而且粒粒都好爽彈新鮮，有魚油香。大家都知粒粒魚生通常都係刺身切完嘅邊邊角切，雖然係咁，佢地嘅魚生依然好食，呢個好抵讚，所以本身係畀老公食嘅特選丼，我拎左嚟食😝
丼造特選丼🎏
本身係買畀老公食（因為睇相好靚又多唔同嘅刺身，諗住做個好老婆嘛😏）食落果然無令我失望😝除左赤身因為係赤身而唔肥美外，無論油甘魚、三文魚腩都係好重魚油香🍣。另外想讚下個墨魚，因為佢包左青瓜，墨魚爽🦑、青瓜脆🥒，咁就有兩種唔同嘅口感，呢個好有心思。
想讚埋佢地兩個飯都有嘅海膽都係好一流，一d都唔腥，好鮮甜，推介！
最後想讚埋個魚湯🥣，好少見舖頭有得飲（通常都係味噌湯），所以我都加錢試下，竟然好有水準👍🏻，奶白色又唔腥🥛，調味適中。我幾欣賞佢地用哂成條魚去做料理，推介大家都加錢試下個湯！
地址：上環禧利街27號富輝商業中心地下D號舖
@don.jo.rice
@chillchill_aloye
#魚生飯
#魚湯
#上環美食
Post
