潮味居海鮮潮州菜館 (Closed)

今次我地一行十人慶生日之星，去到尖沙咀試潮洲菜！生煎墨魚香餅 $88/碟，我地叫左兩碟。墨魚肉好彈牙，煎得啱啱好唔會太燶。金牌滷水鮮鵝肝$120。呢個正呀，入口即溶，食到停唔到口。潮洲滷水鵝掌翼$88，味道唔算太濃，就咁食都唔會太咸。至尊滷水拼盆$218，鵝片嘅份量少左啲，唔算太諗。其他如紅腸大腸雞蛋等等都比較多。大眼雞-時價。好鮮味😍生炒咕嚕肉，唔算好多茨汁，啲肉都唔係好肥。反沙芋，心機野，可以一試香煎蠔仔烙，唔算好油。個味都唔錯，都算多蠔仔。