三多麵食

Open Now

Now Closed

中環搵野食話難唔難話易唔易,因為一係就食到好豪,一係就食到好差。無中間既。呢間三多麵食都算係中間既(不過都係有D偏貴) 佢最出名應該係鵝腸麵，所以我就叫左一個鵝腸米(米粉罪惡感好似無咁大)，41蚊，仲要無野飲。算啦，中環地貴，當幫佢交租。個米粉好快就黎，鵝腸份量都唔少既，都幾多油同肥膏。唔錯唔錯，佢會配埋一個辣椒鼓油俾我。因為就咁食就有少少淡口，加埋個辣椒鼓油就岩岩好，夾埋蔥絲就更加香口啦。總結: OK既, 幾好食,係有D貴, 同埋D位有D迫, 所以最好就係下午茶時間黎,人唔多, 又唔係非常肚餓，否則又迫人又唔夠飽。