Video
Read full review
2013-09-03
2191 views
今日同馬騮仔路過老蘭，本來想去肥佬(Harlan 間the Gold)度食飯，行到佢樓下望到對面協興三樓換咗招牌，咦，有新嘢就梗係試試喇。上到門口見個鬼婆熟口熟面，馬騮仔都話好似見過佢，佢話鬼婆好少咁.......矮！一問之下原來喺Laris見過，再問原來係Dinning Concept Group嘅新餐廳。間餐廳叫Mayta，食秘魯菜，肥龍對秘魯菜冇乜認識，食來食去都係個幾味大路嘢，Choclo (深紫色的土產玉米)，Ceciche (檸檬醃生魚) Anticuchos(串燒)。Mayta個菜單並不複雜，基本上地道的都有。頭盤推介Causas, 三個mashed potatoes ball 有三種topping。Gratin Scallops 煎帶子，上菜時有點西班牙Tapas風味，帶子兩邊煎封，中間透明，廚師控制火候到家。主菜點了Arroz Con Pato,此乃啤酒燴飯配油封鴨腿，好味，但略嫌未夠粗獷。另點了Hot Rock Ceviche，此乃海鮮什燴，湯底味道有點像冬陰公，但比冬陰公淡，正好突出海鮮的鮮味。期間見隔離枱食Carapulcra(乳豬)睇落唔錯，下次可能試試！食完
今日同馬騮仔路過老蘭，本來想去肥佬(Harlan 間the Gold)度食飯，行到佢樓下望到對面協興三樓換咗招牌，咦，有新嘢就梗係試試喇。上到門口見個鬼婆熟口熟面，馬騮仔都話好似見過佢，佢話鬼婆好少咁.......矮！一問之下原來喺Laris見過，再問原來係Dinning Concept Group嘅新餐廳。
間餐廳叫Mayta，食秘魯菜，肥龍對秘魯菜冇乜認識，食來食去都係個幾味大路嘢，Choclo (深紫色的土產玉米)，Ceciche (檸檬醃生魚) Anticuchos(串燒)。Mayta個菜單並不複雜，基本上地道的都有。頭盤推介Causas, 三個mashed potatoes ball 有三種topping。Gratin Scallops 煎帶子，上菜時有點西班牙Tapas風味，帶子兩邊煎封，中間透明，廚師控制火候到家。主菜點了Arroz Con Pato,此乃啤酒燴飯配油封鴨腿，好味，但略嫌未夠粗獷。另點了Hot Rock Ceviche，此乃海鮮什燴，湯底味道有點像冬陰公，但比冬陰公淡，正好突出海鮮的鮮味。期間見隔離枱食Carapulcra(乳豬)睇落唔錯，下次可能試試！食完唔夠喉，追加Beef Abticuchos,都係果句，廚師控制火候了得，肉燒得恰好，醬汁有地道秘魯風味，加上Choclo，一流！最後甜品點了Suspiro De Limena, 見佢話係Olive oil ice cream好似好好味咁，都OK喇，另一個Picarones(秘魯冬甩)就真係唔得，太乾之餘又冇乜味！總的來講以咁嘅價位加上係Jamie Pesaque設計嘅menu, 算係物有所值喇，馬騮仔都話下次再幫襯。
我哋奉行食物為先，稟神(影相)為次，留點空間讓大家想像想像，故相片欠奉，見諒！
題外話，隔離張枱真係堅，肥龍同馬騮仔都甘拜下風，一男一女兩條友，食咗五個頭盤，四個主菜，四個甜品，差不多叫咗三分二個Menu!! 勁！！
（此篇為肥龍代筆！）
Post