Video
Read full review
2009-10-07
136 views
早幾日師傅一支公無啦啦行過呢個商場, 見佢新裝修加上又冇咩野做, 於是落去打個白鴒轉; 行下先知呢個商埸收變左好多, 現在大部份都係食店, 打左個圈後見到呢間食店, 師傅心裡異常欣喜, 因為一直以來都好想試下呢間食店, 無奈要過海先有得食, 所以唯有放棄; 終於皇天不負師傅心, 呢間食店竟然喺老尖整番一間, 等待多年嘅師傅終於可以品嚐一下! 雖然師傅已經食飽晚飯, 但仍然一個箭步飛入食店, 奈何比店員截住, 原因係食店打烊, 所以唯有下次啦!尋晚師傅忽然間興之所緻, 於是決定離開監房就過黎呢度食野, 仲打算約埋好友食家"乜都放入窿"齊齊去, 奈係好友食家"乜都放入窿"比較忙冇咁早可以鬆人, 礙於師傅真係好想試一次, 於是唔等好友食家"乜都放入窿", 決定單拖赴會! 但喺離開監房前, 師傅就比個人渣同僚激親, 氣難下之際想起會黎呢度食野, 決定放肆食一餐, 去解心頭之恨!入到去食店, 唔算係好多人; 環境就幾乾淨, 可能係新開張嘅關係啦, 而店內設計成懷舊冰室咁, 但師傅覺得真係好刻意形做呢個效果出黎, 絕對帶唔到親切嘅感覺, 反而覺得同外面嘅商場格格不入! 伙計安排師傅坐底, 一條冷都
尋晚師傅忽然間興之所緻, 於是決定離開監房就過黎呢度食野, 仲打算約埋好友食家"乜都放入窿"齊齊去, 奈係好友食家"乜都放入窿"比較忙冇咁早可以鬆人, 礙於師傅真係好想試一次, 於是唔等好友食家"乜都放入窿", 決定單拖赴會! 但喺離開監房前, 師傅就比個人渣同僚激親, 氣難下之際想起會黎呢度食野, 決定放肆食一餐, 去解心頭之恨!
入到去食店, 唔算係好多人; 環境就幾乾淨, 可能係新開張嘅關係啦, 而店內設計成懷舊冰室咁, 但師傅覺得真係好刻意形做呢個效果出黎, 絕對帶唔到親切嘅感覺, 反而覺得同外面嘅商場格格不入! 伙計安排師傅坐底, 一條冷都預左比人亂處安置, 而今次師傅被安置同一對情侶搭枱! 於是坐底後當然係睇下有咩想食啦, 諗左一陣師傅當然決定試下呢度最出名嘅兩樣野, 就係金牌豬扒包同埋熱絲襪奶茶!
落完單當然要等一陣啦, 其時對口對面嘅一對情侶不時打情罵悄, 師傅真係相當眼冤; 要知道眼冤嘅主要原因除左打情黑悄外, 就係大家面對面嘅距離真係好近, 證明張枱真係好細, 就算再細聲講野都聽得一清二楚, 呢d真係枱細嘅粒弊處! 好唔容易先等到杯絲襪奶茶, 再等多一陣金牌豬扒包都登場了, 呢一刻師傅終於可以分下神喇!
先講下杯熱絲襪奶茶, 師傅放棄左一路以來最愛嘅檸檬茶同埋凍飲, 全因為對呢杯熱絲襪奶茶寄予極大嘅厚望, 於是加左少許砂糖, 攪勻就飲; 第一淡感覺係幾滑, 不過淡左少少, 於是再加多少少砂糖, 第二淡感覺都係滑, 師傅將杯絲襪奶茶前後試左五次, 得出黎結果係除了滑外, 甚麼都沒有, 不香不濃, 最基本奶茶嘅香味亦欠奉, 加上茶底冇茶味, 莫非一杯滑d嘅奶茶就會冇茶味? 師傅覺得並非如此, 不過真係希望越大失望越大! 嗰一刻真係打個突, 絲襪奶茶都咁嘅水準, 金牌豬扒包亦難寄予厚望啦!
冇咩厚望下再試個金牌豬扒包, 金牌豬扒包早已經一開二切開兩份, 豬扒並唔算好厚身同大件, 包身亦唔算大份, 裡面配上少少蕃茄同沙律醬, 賣相精緻; 師傅用手就攞起黎咬, 發覺呢件豬扒係非常非常之油, 師傅真係好懷疑係咪煎囉? 不過豬扒真係幾香口同埋肉質鬆軟, 加上冇骨, 都可以啦; 而包身都算鬆軟, 但軟得黎冇彈性, 至於蕃茄同沙律醬嘅份量係配合得好好, 不多不少令入口唔會乾身, 呢個位處理得真係一絕; 當師傅食完半件豬扒包後再望下d手指, 真係估佢唔到呀, 幾隻手指竟然可以咁靚喎, 因為有熟油滋潤嘛, 你話死未?
師傅已經氣頂啦, 仲要食到到喉唔到肺, 本來打算如果呢間食店掂就再試其他食物, 點知咁嘅水準, 真係咩野胃口都冇晒喇; 再加上一對已經煙韌到不得了嘅情侶坐喺師傅對面, 為免眼冤下去, 都係三十六著走為上著!
總括黎講食物水準並唔係想像中咁得, 特別係杯絲襪奶茶, 環境一般, 服務又係一般, 價錢都唔平架, 咁樣食一食, 埋單二十有八呀! 名氣雖大, 最後還是不外如是; 師傅返到屋企即刻睇下呢度評分, 平均分為三點二分, 仲要係五對四, 五個笑臉vs四個喊臉, 開張咁短時間, 十個食評四個喊臉, 成功率達四十個巴仙 ! 平心而論喊臉未足以比, 但亦難笑, 皆因只不過係一間普通茶餐廳, 唔會特別好味但亦不算難食, 冇特別冇驚喜囉, 所以肯定冇下次!
後記: 師傅走左之後一邊行一邊噴出陣陣胃氣, 食個包飲杯奶茶有咁嘅後果, 真係講都冇人信啦! 胃氣多皆因油之過!
Post
