Video
Read full review
2018-01-26
2290 views
如果你話巴士迷叫做巴膠，鐵路迷叫做鐵膠，咁我就一定係榴膠!講笑，應該係叫做榴槤控先正確，我細細個已經好愛榴槤，但奈何而家個女友唔鍾意食榴槤，連聞到都唔得，所以就真係好麻煩。如果你問我舊榴槤同我女友跌左落海救邊個，我會選擇救榴槤，因為我女友識游水!講笑!但係事實上人榴有別，我當然選擇女友啦，個榴槤都唔可以攬住訓啦，所以我每一次搵榴槤，都好似偷情咁樣，幾得意!咁我今日就同我一個志同道合嘅老友去現時點睇玩具啦，咁佢都好鍾意食榴槤呀！行行下佢就同我講佢上次係廟街食過一間好正嘅榴槤甜品店，好味到返唔到轉頭，話一定要帶我去呀！咁我地買完玩具就即刻行過去啦！其實間野係廟街近旺角果邊嘅街頭第一間，好容易見到，我好遠已經見到榴槤王e3個字啦！我心諗叫得自己做榴槤王，差極都有個普，今次發達啦！店舖面積唔係話好大，以外賣為主，可能夜d會開多幾張枱啦！快d過去望下佢個餐牌先!咁佢餐牌個內容都非常豐富，有一d特色飲品，亦有我最想見到嘅榴槤特色甜品，分別係榴槤布丁，拿破崙，心太軟，榴槤卷，榴槤春卷，榴槤蛋糕，班戟及榴槤芝士凍餅等，真係好難選擇。咁最後我就選擇左心太軟，而我老友就選擇咗貓山王榴槤班戟。咁係等待個心太
咁我今日就同我一個志同道合嘅老友去現時點睇玩具啦，咁佢都好鍾意食榴槤呀！行行下佢就同我講佢上次係廟街食過一間好正嘅榴槤甜品店，好味到返唔到轉頭，話一定要帶我去呀！咁我地買完玩具就即刻行過去啦！
其實間野係廟街近旺角果邊嘅街頭第一間，好容易見到，我好遠已經見到榴槤王e3個字啦！我心諗叫得自己做榴槤王，差極都有個普，今次發達啦！店舖面積唔係話好大，以外賣為主，可能夜d會開多幾張枱啦！快d過去望下佢個餐牌先!
咁佢餐牌個內容都非常豐富，有一d特色飲品，亦有我最想見到嘅榴槤特色甜品，分別係榴槤布丁，拿破崙，心太軟，榴槤卷，榴槤春卷，榴槤蛋糕，班戟及榴槤芝士凍餅等，真係好難選擇。咁最後我就選擇左心太軟，而我老友就選擇咗貓山王榴槤班戟。
咁係等待個心太軟焗果陣，再望下間店舖其他餐牌，見到個雪糕櫃裏面都有榴槤雪糕同埋榴槤糯米糍，即買即食，買返屋企食都得，唔錯唔錯。另外重有自選香雪米餅餡味，可以自由選擇餡料，重咁係度等嘅時候我都見到有3個客人購買，我估應該都會幾好食。重有新鮮貓山王榴槤賣，我都見到有個大陸客人買，最特別就係有個榴槤pizza,之前係太x都聽過，唔知x興係唔係抄佢呢!?證明榴槤其實都真係好多人鍾意呀！
貓山王榴槤班戟
$48
53 views
0 likes
0 comments
有得食啦，首先係榴槤班戟，我老友話同我分甘同味，分享一舊俾我，個班戟個皮都好薄，而d忌廉都好滑，唔係太甜，但係就肯定新鮮，唔會有酸味，而裏面果舊貓山王榴槤就真係不得了，好大舊，每一啖都吃到榴槤嘅芳香，更能嘗到啖啖果肉，有得咁大舊果肉就應該係貓山王，因為貓山王粒核較細，口感俱備，而果肉呈黃色，粒粒飽滿，最重要一點係食完之後個口就真係有少少回甘，絕對高班過出面果d甜品店嘅榴槤班戟呀！令到我更加期待個心太軟呀！
榴槤心太軟
$58
33 views
0 likes
0 comments
好啦，心太軟焗好啦！一黎個賣相都ok,黑d朱古力拉花我覺得都靚過呀謝x峰!，外面個皮就焗到好脆，咁我吉穿左個皮之後呢！d朱古力加榴槤流心就即刻搶閘跑出黎啦，e方面絕對能夠充分顯出師傅嘅功架，時間同溫度係剛剛好，咁一食落去，好重榴槤味道，而朱古力味又唔會話覆蓋d榴槤味wor,如果你再將個朱古力皮點落去個榴槤流心果度食，重正，另外個榴槤雪糕都好香，同個老友兩個麻甩仔去share一個心太軟真係別有一番風味呀！!e間咁正嘅餐廳我已經收藏左啦！有機會我都會再黎偷情呀！
Post
