Video
Read full review
2013-05-12
142 views
係雜誌見到介紹，所以黎食母親節飯，由於係母親節前一日，main menu收起左，得餐同少量a la cart，覺得啲餐唔太啱食，所以散叫。我地8：45落單，叫左8個餸，到9：30黎得三個餸，所以開始追佢，佢一路答話追緊，追左佢幾個字，都冇餸黎過，到9：50個經理行埋黎話漏單，會盡快上俾我地（係！8個餸漏左5個！），其間，個樓面仲問我地做咩唔早啲追單，我實在忍唔住反問佢：其實你見到枱客坐左個幾鐘張枱一路都係吉嘅，你唔去問下啲餸到齊未返而話我好唔追你？到10：00開始出其他餸，我問佢幾時出得哂，佢話10：10，結果到左10：10，佢好準時出黎埋最後兩個餸，同時，最經典嘅事亦發生啦，個苦瓜唔熟嘅，勁硬，個豆腐，個心凍嘅，我問經理點食，但話因為我地話要快，怕我地等得耐，佢地想補償漏單，快啲出菜，我想問，唔熟嘅食物係一個咩類別嘅補償？完全冇哂胃口嘅情況下埋單，個經理拎張單埋黎，好似好慷慨咁話waive左我地個兩個餸同汽水，我望一望張單，問佢覺得憑咩收我茶介同加一，佢先至話免埋我，其實，埋單七百幾蚊食一餐背脊骨落嘅飯，我地完全唔知為咩…難得成家人一齊慶祝母親節，掃哂興！
我地8：45落單，叫左8個餸，到9：30黎得三個餸，所以開始追佢，佢一路答話追緊，追左佢幾個字，都冇餸黎過，到9：50個經理行埋黎話漏單，會盡快上俾我地（係！8個餸漏左5個！），其間，個樓面仲問我地做咩唔早啲追單，我實在忍唔住反問佢：其實你見到枱客坐左個幾鐘張枱一路都係吉嘅，你唔去問下啲餸到齊未返而話我好唔追你？
到10：00開始出其他餸，我問佢幾時出得哂，佢話10：10，結果到左10：10，佢好準時出黎埋最後兩個餸，同時，最經典嘅事亦發生啦，個苦瓜唔熟嘅，勁硬，個豆腐，個心凍嘅，我問經理點食，但話因為我地話要快，怕我地等得耐，佢地想補償漏單，快啲出菜，我想問，唔熟嘅食物係一個咩類別嘅補償？
完全冇哂胃口嘅情況下埋單，個經理拎張單埋黎，好似好慷慨咁話waive左我地個兩個餸同汽水，我望一望張單，問佢覺得憑咩收我茶介同加一，佢先至話免埋我，其實，埋單七百幾蚊食一餐背脊骨落嘅飯，我地完全唔知為咩…難得成家人一齊慶祝母親節，掃哂興！
Post