大紅袍火鍋料理 (Closed)

又有朋友生日，壽星女話想去hot pot 淥下淥下，佢選址大紅袍火鍋料理（太子店）。地點幾好，中間地帶，大家返屋企都方便。一早訂左位，一行6人準時到達，唔使等位直入。一張大圓枱👍🏻，打邊爐緊係圓枱先方便架嘛。（我試過另一間係10個人比張長枱，都唔知點打好）調味料都係自助餐式，成盤比你，任君喜好。聽聞呢度出名有個湯底叫「金屋藏嬌」，原來係大大個冬瓜同雞係湯，好足料，好鮮甜。食物方面，我地都係叫左牛肉、丸、餃子......呢d例牌野，正常野。係個湯底加分。