Video
Read full review
2025-01-01
0 views
冬天除咗打邊爐，最好就係食煲，尤其係少少辣嘅新加坡胡椒蟹煲。聽講銅鑼灣嘅”張公館”係出名食胡椒蟹煲，就專程嚟試吓。嚟到就覺得係高級中菜館嘅格局，甚至可以望到維港景色。而呢度嘅服務員都好周到，除咗幫手斟茶仲會定時換碟。另外佢嘅茶選擇好豐富，連龍井都有，啱晒我茶先生。新加坡胡椒蟹爪粉絲煲 $268因為佢係蟹爪，而唔係原隻蟹，所以價錢真係好平，但味道同樣出色，份量相當多，而且好有新加坡當地風味。注意呢度菜係有啲辣，但啱晒冬天食。羊肚菌松茸竹笙花菇燉湯 $98睇名已經知一定好飲，味道遠在平時飲到嘅雞湯之上。其中一個功勞係佢燉嘅時間夠耐，羊肚菌同松茸都已經好腍。香炸蝦棗 $108類似炸蝦球，入邊仲釀咗啲芫荽，點埋佢嘅甜酸醬，係好滋味嘅小食。豬油渣大地魚粒炒菜心苗 $188好奇特嘅蔬菜煮法。菜心嘅味道主要靠大地魚粒調出嚟，大地魚粒明顯炸過，好香口。同樣嘅味道同口感亦喺金黃色嘅豬油渣度搵到，明顯呢道菜係想盡量將油香依附喺菜心之上。作為高檔中菜，佢嘅價錢合理，菜式煮法特別，足夠惹味又有傳統，難怪我哋食到七點已經坐滿人，仲有人排隊！
嚟到就覺得係高級中菜館嘅格局，甚至可以望到維港景色。而呢度嘅服務員都好周到，除咗幫手斟茶仲會定時換碟。另外佢嘅茶選擇好豐富，連龍井都有，啱晒我茶先生。
新加坡胡椒蟹爪粉絲煲 $268
因為佢係蟹爪，而唔係原隻蟹，所以價錢真係好平，但味道同樣出色，份量相當多，而且好有新加坡當地風味。注意呢度菜係有啲辣，但啱晒冬天食。
羊肚菌松茸竹笙花菇燉湯 $98
睇名已經知一定好飲，味道遠在平時飲到嘅雞湯之上。其中一個功勞係佢燉嘅時間夠耐，羊肚菌同松茸都已經好腍。
香炸蝦棗 $108
類似炸蝦球，入邊仲釀咗啲芫荽，點埋佢嘅甜酸醬，係好滋味嘅小食。
豬油渣大地魚粒炒菜心苗 $188
好奇特嘅蔬菜煮法。菜心嘅味道主要靠大地魚粒調出嚟，大地魚粒明顯炸過，好香口。同樣嘅味道同口感亦喺金黃色嘅豬油渣度搵到，明顯呢道菜係想盡量將油香依附喺菜心之上。
作為高檔中菜，佢嘅價錢合理，菜式煮法特別，足夠惹味又有傳統，難怪我哋食到七點已經坐滿人，仲有人排隊！
Post
