胡爐 (Closed)

人老咗，就唔想諗咁多野。驚心動魄遙看你，走失也忘了害怕，聽完都會感慨人老咗好多嘢都會退化。 特別好多時，簡單就算，以前食飯都會俾心機諗吓，而家越嚟越懶。 就好似今晚同一班朋友打邊爐，本來想選擇啲近期火熱嘅火鍋店香江花月，但係最後都係揀一間飲食質素非常高嘅胡爐。 呢度嘅特色係你可以自選一火鍋底，有醉雞煲，青麻辣豬手煲，同胡爐醉鴨煲俾你揀。 當晚我哋分開枱坐試咗兩個煲，惹味雞同醉鴨各有特色，我自己個人特別鍾意醉鴨，可能因為少見。 惹味雞真係非常之惹味，好得，直頭想攞嚟送飯。 用社交平台訂枱仲會送蠔皇鮑魚佛跳牆一客，送嘅質素來講，不錯。 之後會有至尊拼盤送，時令海鮮拼盤，有牛拼盤同手工丸餃平台。 海鮮拼盤有鮑魚，聖子，蜆，帆立貝同蝦，講真呢個海鮮拼盤已經夠抵食。 仲有澳洲和牛，牛舌心同黑毛豬豚肉，質素都幾高。 手工丸同餃都幾特別，有泰皇鮮蝦雲吞，手打蝦丸，XO醬帶子餃，魚皮餃，芝心丸，同黑松露墨魚丸，每隻都唔錯 ，鹹魚青菜各有所好。 講真食到呢度都飽，原來仲有好多種唔同任點火鍋料俾你，到呢個嘅時候當然要食啲菜。