漁民麵館 (Closed)

呢間漁民麵館由元朗開到出嚟荃灣，其實九龍尖沙咀嗰邊仲有一間，之前一路睇各大媒體介紹佢嘅花膠面點點點好食，好鍾意食花膠呢類膠質嘅我一直都好想試，但係要我入元朗又實在太遠😂我又懶... 當佢嚟到荃灣就帶上爸爸媽媽一齊去試， 補充骨膠原。呢度嘅食物唔貴，雖然如果係花膠面，價錢唔係真係一個可能食到嘅花膠嘅價錢，但係用料絕對唔差。花膠同冬菇炆得好入味，佢啲麵都可以索曬花膠啲汁，食出淡淡精華。當然佢仲有其他創意嘅食物，例如將花膠打入丸類度，變成花膠墨丸。鍾意佢裝修簡單，而佢嘅餐牌設計亦都花過心思去諗，雖然食物款式多，但係主要都圍繞佢花膠做主題，令到上菜速度唔會好慢。呢間係會翻桌嘅餐廳😉