新記雞粥 (筲箕灣道)

Open Now

Now Closed

筲箕灣道有間新記雞粥🐔🐔🐔，聽聞喺元朗好出名， 今日途經見到裏面坐滿曬人，就入去食個雞粥。我覺得貴妃雞粥配搭炸倆係不二之選，唔怪得知咁多人都有叫啦，茶餐55蚊就有炸兩和雞粥，真係好抵食✌🏻。 雞粥的雞塊好多， 雞味道鮮甜， 粥底夠綿滑，啱我口味😋😋😋。 加3元要咗杯豆漿🥛， 豆漿味好濃，而且唔係太甜。 我哋又叫咗一碟椒鹽蝦🦐🦐🦐，雖然係135蚊，但係蝦好新鮮，夠味，好多蒜頭，正，而且只只蝦都挑曬蝦腸，數量都有十幾隻，所以計落去都唔算貴， 我哋叫咗個鹹蛋肉餅， 肉煙煙靭靭， 味道非常之好，送飯就一流啦。原來雞記除了雞粥，小菜都好到家，讚👍。