快靚正燒味粉麵茶餐廳 (Closed)

今日去到深水埗買野 ，經過見到有間燒味吸睛，忍吾住入左去吃晚餐 ，入到去見到裝潢都幾乾淨而且仲有電視睇，黎到當然就食燒味啦，左諗右諗最後決定雙拼加飲品，而做外賣妹的我就買左外賣比先生。乳豬燒鵝飯 $92，燒鵝脾勁吸引，咬落去味道濃又香，皮帶點微脆口。乳豬一咬脆的聲音十分討好，而且肉又好味，配上乳豬醬一絕，而且送的湯又好飲足料。紅豆冰 配飯加$4，味道甜度適中，紅豆大粒都夠淋身，味道不錯。黑椒干炒豬扒意粉 $54加辣版是待應推介，先生都覺得十分好味，黑椒味夠重又香，豬扒份量大口感不錯，食完勁飽肚。鹵水乳鴿 $50，鹵水味不錯而且真係比平常更大隻，不過肉都保持到嫩滑。臨比錢時原來這裡可以用支付寶添，十分方便。