叻仔記小食

Open Now

Now Closed

之前有鄰居經過呢度話啲串燒好得。去開附近就兜入嚟睇吓，不過我就唔係叫串燒。因為之前鄰居share嗰啲串燒望到個餐牌有泰式燒肉。咁就心思思想過嚟買燒肉返屋企加送。買咗一份，原來係即場燒豬腩肉，半斤嚟講份量都幾足兩條厚厚的。見過店員銷晒四邊，本來塊豬皮望落去滑嘟嘟，見佢燒吓燒吓就開始爆皮，不過見到燒焦坑紋，有啲擔心。但係後來切之前，店員用把刀刮兩刮就刮甩晒啲黑色嘢，但係塊皮仲係完整無缺。望落去實在太靚仔，忍唔住食咗嚿先。塊皮真係超到脆卜卜個肉唔會鹹。跟住返屋企先至試埋佢個辣汁超過癮。本身店員話俾多一盒喎，我就冇特別要。不過下次外賣嘅時候如果佢係個膠盒上邊可以開個窿就好啲，因為焗住返屋企都怕焗到佢會冧。我就問店員借咗把鉸剪剪咗兩個窿，返到屋企d燒肉仲係卜卜脆。呢間都值得book埋去encore！