棋哥燒鵝 (Closed)

做完gym好晏所以係附近搵野食，見到間燒鵝2人餐都只係$248，即刻坐低食。燒鵝之外仲可以揀一款燒味例牌，我地要左叉燒，除左飯仲可以要瀨粉同米粉，燒鵝梗係配瀨粉啦👍🏿燒鵝好脆皮，有d肥，好香荔枝柴既味，真係幾好食！叉燒好大碟，半肥瘦，好淋，少少燶邊，好香口，甜甜地，都好出色！例湯係花生雞腳湯，睇得出煲左好耐，好入味，仲好足料！呢個2人餐好抵食，3個人都夠食，燒鵝果然做得出色，可以encore！