Schnee German Restaurant (Closed)

一個優閒的假日來了Schnee食德國菜，紅磚牆、吊燈，裝飾確是頗有心思。德國菜點少得啤酒？不過lunch 好少飲酒，哈哈。海鮮蕃茄清湯 $68清湯主要是蔬菜味，配合爽口的帶子及鮮蝦。傳統匈牙利熱燉牛肉湯 $58味道就是足料的羅宋湯，較厚身、濃味，不錯，但伴湯的多士就一般，較硬又不脆。西班牙肉丸伴意大利粉配新蕃茄汁 $68Lunch set 的價錢由$68開始，肉丸份量算多，甜酸蕃茄汁帶少少辣的意粉，幾開胃。脆皮燒德國咸豬肘 $168德國菜必食的豬手。第一次品嚐德國傳統麵包，夠熱又鬆軟，味道有驚喜！至於豬皮是硬脆的質感，跟中式燒肉的薄脆皮有所不同，而肉質好軟腍，伴酸洋蔥絲、芥末相當惹味。