齊柏林熱狗店 (MOSTown Street新港城中心大街(2期))

Open Now

Now Closed

開左好多間分店，大大份熱狗價錢唔貴，款式多。叫左澳式風情熱狗($38)，美國洋蔥圈熱狗($36)，套餐加2個小食(加$12)。芝士半溶鋪係面頭，千島醬混合煙肉、菠蘿，啖啖都食到餡料，而且多到好似傾瀉咁。紐綸堡腸香口肉味重，原來每款熱狗既腸仔係唔同。尼款熱狗既食到腸仔，又食到小食洋蔥圈，岩哂心大心細既朋友。洋蔥圈炸到脆卜卜，法蘭克福腸好似脆皮腸咁，外皮脆。加$12就可以有2款小食，抵。薯條正常，耐左食都冇出油。粟米牛油味唔算好重，但量多。食完超飽整體，鋪頭人手多，分工清晰，所以唔駛等好耐。