池記 (Closed)

大道東向上行, 行呀行… 好斜…, 發現一間位於角位的小茶餐廳, 店內只有兩張檯, 其餘的檯放街外, 午飯時間已過, 但下午茶無心水, 散叫了一碟咖哩吉列豬排飯.上檯, 一望, 咖哩汁… 噢! 打獻狀啞黃色的一啪醬, 無期望了, 吃下, 果然如期一樣, 只能稱為有特性的咖哩, 到豬排了, 真是柳暗花明又一村, 好嘢到喇, 雖然咖哩唔多掂, 但吉列豬排了得, 入口超熱, 即炸貨色, 縱使吉列沾了咖哩汁, 仍然十分脆口, 豬排肉質尚算軟吧, 飯身唔濕, 挾起來仍算一粒粒, 下次識叫喇: “走汁!”