Video
Read full review
2012-09-28
45 views
係我中學年代，大埔 Pizza Hut 已紮根在此，細個時一個月總有一次幫襯。出到社會工作，見識多左、試既食物多左，就算對 Pizza Hut 抗拒，出品好難食。對上一次幫襯係 3 年前，再上一次都有十年前。但係 2012 年既 4 月另我刮目相看，某些出品令我讚不絕口 ﹗進步不少呢 ﹗女友好想食 Pizza，咁我就陪佢去 Pizza Hut 試吓啦，我一向都非常拒抗，以前食過真係好難食呀 ﹗由意粉、焗飯、小食到 Pizza 都好唔掂 ﹗已經 Black list 左，但見女友多次推介，試試無妨啦 ﹗門口接待既肥阿姐笑面迎人，好有熱誠地招待及帶位，連我都感受到，讚 ﹗其他男女侍應們服務態度都好好，滿意。細心睇左幾份 menu 之後，都有好多野想試試，不過我地只得兩個人，怕叫太多會浪費，咁就 order 住少少先啦，唔夠再加。依度客路都好街坊，踢拖、短褲、背心、波褲都唔出奇。好采隔離枱嘈喧巴閉既阿叔好快走左啫，咁就有餐安樂飯食吓喇，條友講每句說話大大聲，全餐廳都聽到，著到牛記笠記吹到生意有幾大得幾大 ﹗佢個細路仲係通道走上走落、著住鞋係梳化爬黎爬去，頂 ﹗ 熱情果蘆薈特飲，夠冰凍，淡淡既
女友好想食 Pizza，咁我就陪佢去 Pizza Hut 試吓啦，我一向都非常拒抗，以前食過真係好難食呀 ﹗由意粉、焗飯、小食到 Pizza 都好唔掂 ﹗已經 Black list 左，但見女友多次推介，試試無妨啦 ﹗門口接待既肥阿姐笑面迎人，好有熱誠地招待及帶位，連我都感受到，讚 ﹗其他男女侍應們服務態度都好好，滿意。細心睇左幾份 menu 之後，都有好多野想試試，不過我地只得兩個人，怕叫太多會浪費，咁就 order 住少少先啦，唔夠再加。
依度客路都好街坊，踢拖、短褲、背心、波褲都唔出奇。好采隔離枱嘈喧巴閉既阿叔好快走左啫，咁就有餐安樂飯食吓喇，條友講每句說話大大聲，全餐廳都聽到，著到牛記笠記吹到生意有幾大得幾大 ﹗佢個細路仲係通道走上走落、著住鞋係梳化爬黎爬去，頂 ﹗
熱情果蘆薈特飲，夠冰凍，淡淡既甜味，有點似水蜜桃，幾好飲。
香辣誘惑薄批，即辣椒牛肉蘑菇 pizza ﹗我細個時最喜歡食，因為佢辣又無洋蔥同青椒囉 ﹗放上枱熱辣辣、出晒煙 ﹗依啲先係叫薄餅麻，想當年只係暖暖地又出水，諗起都可怕呀。即刻拿件放入口先，熱到燙口，正呀 ﹗餅底乾爽香脆，半熔既芝士配上蕃茄醬、辣椒、蘑菇牛肉，味道非常地夾，好好味 ﹗連食幾件，但食到尾聲時，餅底已變得嚥靭唔脆喇，芝士變硬，口感同味道都即時大打拆扣，食慾大大減低 ﹗所以必須要趁熱食呀 ﹗
烤雞半隻，完全想像唔到，居然超水準 ﹗有驚喜 ﹗Pizza hut 可以有如此質數，真係好好味喎 ﹗熱辣辣皮脆肉嫩 ﹗雞髀雞翼嫩溜無窮，雞胸都十分軟棉，任何部份均肉汁豐富，唔洗點醬都好好食，推介 ﹗只食半隻真係唔多夠喉呀 ﹗
酥皮海鮮龍蝦湯，可能記錯左，唔知十幾年前我係飲龍蝦湯？還是酥皮龍蝦湯呢？海鮮有魷魚、蟹柳、蜆肉，印象中配料比以前少左好多，而味道較為平實，都合格既。
蜜糖辣雞中翼，表層肥美又黏黏的，帶甜亦帶辣，肉質滑而裡面仍保持肉汁，好 食 ﹗係我腦海裡依然留住當年凍冰冰又油又乾又細隻既雞中翼，始中揮之不去這種不開心經驗。
晚餐四舊有找，散叫細 pizza、焗雞、雞中翼、海鮮龍蝦湯，每位二百算中價啦，還可以。
Post
